Candu-Reaktor
Die CANDU-reaktor is 'n Kanadees-ontwerpte drukwaterreaktor wat in kernaanlegte vir kragopwekking uit kernbrandstof gebruik word.
| 1 | Brandstofbundel | 8 | Brandstoftoevoer-enjins |
| 2 | Calandria (reaktorkern) | 9 | Swaar water as neutronemoderator |
| 3 | Aanpassingsstawe | 10 | Drukpyp |
| 4 | Swaar waterdrukpoel | 11 | Stoom wat na die stoomturbines gevoer word |
| 5 | Stoomopwekker | 12 | Koue water wat uit die turbine terugstroom |
| 6 | Lig water-pomp | 13 | Die reaktor se omhulsel van versterkte beton |
| 7 | Swaar water-pomp |
Die akroniem CANDU ("CANada Deuterium Uranium") is 'n handelsmerk van Atomic Energy of Canada Limited (AECL) en verwys reeds na die reaktortipe wat swaar water (deuteriumoksied, D2O) vir verkoeling en moderasie en natuurlike uraan as brandstof gebruik.
CANDU-reaktors is oorspronklik in die laat 1950's en 1960's deur 'n vennootskap tussen AECL, die Hydro-Electric Power Commission of Ontario (tans Ontario Power Generation), die Kanadese filiaal van General Electric (tans GE Canada) en ander private ondernemings ontwikkel. Tans maak alle Kanadese kernaanlegte gebruik van hierdie reaktortipe wat ook internasionaal bemark word.
CANDU-reaktors is drukpypreaktors wat in tegniese opsig maklik opgerig kan word en sodoende as uiters geskik vir nuut geïndustrialiseerde en ontwikkelende lande beskou word. Nogtans hou hierdie reaktors ook 'n gevaar in - die moontlike verspreiding van kernwapens: CANDU-reaktors kan maklik ingespan word om plutonium vir wapendoeleindes te ontgin.
This article uses material from the Wikipedia Afrikaans article CANDU-reaktor, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.