C.j. Langenhovenprys Vir Taalwetenskap

Langenhovenprys vir Taalwetenskap is ’n letterkundige prys wat sedert 1968 driejaarliks deur die Suid-Afrikaanse Akademie vir Wetenskap en Kuns toegeken word vir taalwetenskaplike en/of taalskeppende werk in Afrikaans met inbegripvan leksikografie. Die bedoeling was aanvanklik ’n prys vir hoogs geslaagde taalvondste in die reklamewese, maar dit is onprakties bevind en op voorstel van die Akademieraad is besluit om dit vir taalwetenskap toe te ken. Hierdie prys het die Stalsprys vir Taalwetenskap vervang.

Die prys is vernoem na die Suid-Afrikaanse digter, skrywer en politikus C.J. Langenhoven.

• 1970 – Prof. J. du P. Scholtz
• 1973 – Prof. W Kempen
• 1976 – Prof. Meyer de Villiers
• 1979 – Prof. S.A. Louw
• 1982 – Prof. F.A. Ponelis
• 1985 – Prof. F.F. Odendal
• 1988 – Prof. J.C. Steyn
• 1991 – Prof. J.G.H. Combrink
• 1994 – Prof. Edith Raidt
• 1996 – Prof. R.H. Pheiffer
• 2000 – Prof. E.B. van Wyk
• 2003 – Lede van die Taalkommissie: Drr. A.F. Prinsloo, M. Alberts, F.J. Lombard, J. Anker, proff. W.A.M. Carstens, A.E. Coetzee, E.F. Kotzé, mnr. J. du T. McLachlan en prof. J.G.H. Combrink (postuum)
• 2006 – Prof. R.P. Botha
• 2009 – Prof. D.P. Wissing
• 2012 – Prof. R.H. Gouws
• 2015 – Mnr. J. du T. McLachlan
• 2018 – Prof. M.C.J. van Rensburg
• 2021 – Prof. Wannie Carstens

Verwerk vanaf akademie.co.za.