Buti Manamela

Buti Manamela
Adjunkminister van Hoër Onderwys, Wetenskap en Tegnologie
Ampsbekleër
Termynaanvang 17 Oktober 2017
President	Cyril Ramaphosa
Minister	Blade Nzimande
Adjunkminister van beplanning en monitering in die Presidensie
Ampstermyn 26 Mei 2014 – 17 Oktober 2017
President	Jacob Zuma
Persoonlike besonderhede
Gebore	Buti Kgwaridi Manamela 10 Julie 1979 (1979-07-10) (44 jaar oud) Modimolle, Transvaal
Politieke party	African National Congress

Manamela dien tans as die Adjunkminister van Hoër Onderwys, Wetenskap en Tegnologie, nadat hy voorheen die Adjunkminister vir Beplanning en Monitering in die Presidensie was sedert, 26 Mei 2014. Hy dien tans onder die huidige minister van Hoër Onderwys, Wetenskap en Tegnologie, Blade Nzimande en huidige president van Suid-Afrika, Cyril Ramaphosa. Manamela het ook die pos van die woordvoerder van oudpresident Jacob Zuma beklee.

Geboorte en opvoeding

Buti Kgwaridi Manamela is op die dorp Nylstroom, (nou Modimolle), Transvaal, Suid-Afrika gebore. Hy het op dertienjarige ouderdom by Congress of South African Students (COSAS) en die African National Congress Jeugliga aangesluit. Hy het aan die Hoërskool Phagameng gematrikuleer. Daarna skryf hy in by die Mamelodi College waar hy in 2001 'n sertifikaat in elektronika verwerf. Gedurende sy tyd aan die kollege sluit hy aan by die South African Students Congress, die Young Communist League of South Africa, die Suid-Afrikaanse Kommunistiese Party en die African National Congress. Hy voltooi sy nagraadse diploma in 2014 en behaal in 2017 'n meestersgraad in openbare beleidsbestuur aan die Universiteit van die Witwatersrand.

Politieke loopbaan

In 2000 word hy as die nasionale organiseerder van die Suid-Afrikaanse handelsunie ingespan. As gevolg van sy organiseringsvaardighede het hy die hervestiging van die Jong Kommuniste Liga van Suid-Afrika in 2003 begin. Manamela is verkies tot die nasionale sekretaris van die YCLSA en dien tot 2014. Manamela het 'n parlementslid geword na die algemene verkiesing in 2009. Hy was die hoofvrywilliger van die Nelson Mandeladag-aktiwiteite van die Parlement en was 'n sweep van die Arbeidsportefeuljekomitee.

In die kabinet van oudpresident Jacob Zuma was Manamela die adjunkminister van monitering en evaluering van beplanning en ook hoof van die jeugontwikkeling en -administrasie.

Manamela dien ook as 'n sentrale komiteelid van die Suid-Afrikaanse Kommunistiese Party (SAKP) en is sedert die algemene verkiesing in 2009 'n ANC-parlementslid.