Brixton Moord En Roof Orkes

Die groep is vernoem na die "Brixton Moord en Roof"-polisie-eenheid, wat nie meer bestaan nie, en dus is mense geneig om te dink dat hierdie groep die amptelike blaasorkes van die polisie is.

Brixton Moord en Roof Orkes
Agtergrondinligting
Oorsprong	Johannesburg, Suid-Afrika
Gewese lede	Andries Bezuidenhout

Ockert "Moord" Greeff (trom) het die orkes in 1999 saam met Andries "Roof" Bezuidenhout (stem en kitaar) gestig toe hulle by die Abelarde Sanction, 'n kroeg in Brixton, begin optree het. Kort daarna het Steve "Brixton" Savage as baskitaarspeler aangesluit. Hy het na Zambië verhuis en is deur Drikus "Brixton" Barnard vervang. In 2002 het Kapelaan Pat Plank as kitaarspeler aangesluit.

In Augustus 2007 het Moord Greeff na Montreal in Kanada verhuis en is vervang deur Andrew Evans, wat nou, in die tradisie van die orkes, as Moord Evans bekend staan.

Musikaal wissel die groep se styl tussen melancholiese folk-klanke van songs soos "Asyn" en "Geraamtes in jou kas", tot die harde rock van "Road Rage", "Spoed" en "Brixton-dae".

• Spergebied (met Andries "Roof" Bezuidenhout, Ockert "Moord" Greeff, Brixton (Drikus) Barnard, Esme Evakwaad, 2002)
• Brixton Moord en Roof Orkes EP (met Andries "Roof" Bezuidenhout, Ockert "Moord" Greeff en Steve "Brixton" Savage, WEB)
• Terug in Skubbe (met Brixton Barnard (Trike), Kapelaan Pat Plank (Plank), Moord Greeff, Roof Bezuidenhout, Paul Riekert, Peter Auret, Karla du Plessis, Esme Evakwaad (Trike), Liela Groenewald, Joanne Jaques, 2005)

• Lys van Suid-Afrikaanse musiekgroepe

• Amptelike webtuiste Geargiveer 21 Maart 2012 op Wayback Machine

• http://home.mweb.co.za/bm/bmro/#Waar%20kom%20die%20Brixton%20Moord%20en%20Roof%20Orkes%20vandaan Geargiveer 3 Mei 2007 op Wayback Machine?. Besoek op 19 November 2007