Breëbek
Die breëbek (Smithornis capensis) is 'n skaars tot gelokaliseerde standvoël wat in laaglande, oewer- en sandwoude voorkom.
In Engels staan die voël as die African Broadbill bekend.
| Breëbek | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | Eurylaimidae |
| Genus: | Smithornis |
| Spesie: | S. capensis |
| Binomiale naam | |
| Smithornis capensis (A. Smith, 1839) | |
Identifikasie
Die voël is 12 tot 14 cm lank en weeg 20 tot 25 gram. Dit is 'n onopvallende voël met 'n dig gestreepte borskant. Die mannetjie se kop en kroon is swarter as die wyfie s'n. Die jong voëltjie is dofgeel en die rug is minder gestreep.
Hulle leef een-een of in pare saam. Die voël word maklik misgekyk as hy nie roep nie.
Verspreiding
Hierdie spesie kom wydverspreid in Afrika voor en het 9 subspesies:
- Smithornis capensis delacouri: van Sierra Leone tot Ghana.
- Smithornis capensis camarunensis: Kameroen, Gaboen en die Sentraal-Afrikaanse Republiek.
- Smithornis capensis albigularis: van westelike Angola tot Tanzanië, suidelike tot Zambië en Malawi.
- Smithornis capensis meinertzhageni: van noordoostelike Demokratiese Republiek van die Kongo tot westelike Kenia.
- Smithornis capensis medianus: sentraal Kenia en noordoostelike Tanzanië.
- Smithornis capensis suahelicus: suidoostelike Kenia, oostelike Tanzanië en noordoostelike Mosambiek.
- Smithornis capensis cryptoleucus: van oostelike Zimbabwe tot suidwestelike Tanzanië tot suidelike Mosambiek en noordoostelike Suid-Afrika.
- Smithornis capensis conjunctus: van noordoostelike Namibië tot suidelike Zambië en noordwestelike Mosambiek.
- Smithornis capensis capensis: oostelike Suid-Afrika.
Sien ook
Bronnelys
- Newman se Voëls van Suider-Afrika, ISBN 1-86872-982-6
- Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-926-7
This article uses material from the Wikipedia Afrikaans article Breëbek, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.