Swartpootbrandervoël
Die swartpootbrandervoël (Rissa tridactyla) is 'n diepseemeeu en seldsame swerwer wat effens groter is as die mikstertmeeu.
Die voël broei in die Palearktiese gebied en steek selde die ewenaar oor. Dit is nog net drie keer in Suid-Afrika aangeteken en wel aan die Weskus. Dit staan ook bekend as die brandervoël en in Engels as die Black-legged kittiwake.
| Swartpootbrandervoël | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Rissa |
| Spesie: | R. tridactyla |
| Binomiale naam | |
| Rissa tridactyla | |
Voorkoms
Die voël is 36 tot 40 cm lank en weeg 320 tot 450 gram. Dit het lang vlerke, 'n vlak mikstert, geel snawel en swart bene. Broeiende volwassenes is wit met 'n bleekgrys rug en die bovlerk is bleekgrys met smal wit agterrand en swart punte aan die buitehoofslagvere. Die nie-broeiende volwassenes het 'n grys vlek aan die oordekvere en grys kladmerke aan die agternek. Die jong voël het 'n swart M oor die bovlerk, swart stertpunte, swart snawel en swart agterkraag.
Sien ook
Bronnelys
- Newman se Voëls van Suider-Afrika; ISBN 1868729826
- Sasol Voëls van Suider-Afrika. Struik Nature. Vierde uitgawe 2011. ISBN 978-1-77007-928-1
This article uses material from the Wikipedia Afrikaans article Swartpootbrandervoël, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.