Boy Louw: Springbokrugbyspeler (1906 - 1988)
Matthys Michael Louw (1906 - 1988) was 'n Springbokrugbyspeler.
| |||||
| Volle naam | Matthys Michael Louw | ||||
|---|---|---|---|---|---|
| Bynaam | Die Meester | ||||
| Geboortedatum | 21 Februarie 1906 | ||||
| Geboorteplek | Wellington, Suid-Afrika | ||||
| Sterftedatum | 3 Mei 1988 (op 82) | ||||
| Sterfteplek | Bellville, Suid-Afrika | ||||
| Lengte | 1.85 m | ||||
| Massa | 97.6 kg | ||||
| Skool | Wellington Boys High, Paarl Boys High. | ||||
| Beroep | Bestuurder, Standard Bank | ||||
| Rugbyloopbaan | |||||
| Loopbaan as speler | |||||
| Posisie(s) | Stut, haker, flank, agsteman | ||||
| Amateurspanne | |||||
| Jare | Klub / span | Weds | (pte) | ||
| Caledon, Paarl, Gardens | |||||
| Provinsiale- / Staatspanne | |||||
| Jare | Klub / span | Weds | (pte) | ||
| Westelike Provinsie | |||||
| Nasionale span(ne) | |||||
| Jare | Land | Weds | (pte) | ||
| 1928-1937 | .svg){kind=small} Suid-Afrika | 18 | |||
Rugbyfamilie
Boy is gebore in die Wellington distrik, een van veertien kinders waarvan tien seuns was. Hy was in 'n rugbyfamilie gebore: hy en sy broer Fanie en sy oom Japie het vir Suid-Afrika gespeel. Sy neef Cyril en broers Elinor en Japie speel vir Transvaal terwyl sy ander broers, Jan, en P.K. vir die Westelike provinsie gespeel het.
Rugbyloopbaan
Toe hy agtien was speel hy vir Paarl Boys High se eerste span en ook vir die Westelike Provinsie. Hy was 22 jaar oud toe hy Suid-Afrika vir die eerste keer verteenwoordig het in 1928 - teen die All Blacks. Op die 1931/32 toer na die Britse Eilande speel hy in negentien van die ses-en-twintig wedstryde. In 1933 speel hy teen die Wallabies in Suid-Afrika en in 1937 weer teen hulle en die All-Blacks in Australasië. Tragies is sy broer, Fanie, dood na 'n wedstryd vir Westelike Provinsie teen Transvaal in 1940 weens hartprobleme.
Nadat hy uitgetree het as rugbyspeler word hy 'n skeidsregter maar weens 'n kniebesering moet hy ook daarmee ophou. Hy word betrokke by afrigting en was afrigter van die Springbokke in 1960 en 1965. Daarna was hy betrokke by Westelike Provinsie as keurder en bestuurder.
Boy was 'n bestuurder vir Standard Bank. Hy sterf op 3 Mei 1988 in Belville.
Bron
- 30 Super Springboks. Paul Dobson. 1995. ISBN 0-7981-3411-9
Eksterne skakels
- Boy Louw by www.genslin.us/bokke
This article uses material from the Wikipedia Afrikaans article Boy Louw, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.