Botrivier-Vlei
Die Botrivier-strandmeer in die Overberg is sedert 2017 deel van die Ramsar-konvensie.
Hierdie vleiland is die mond van die Botrivier. Dit is nagenoeg 1400ha groot en lê tussen Kleinmond, Hawston en Fisherhaven.
Gedurende die droë somermaande is die Botrivier-vlei ‘n vername skuilplek vir watervoëls. Reeds 86 watervoëlspesies is hier al waargeneem. Bleshoenders kom in sommige jare in besonder groot getalle voor. Maar die omvang van die voëlbevolking wissel merkbaar van jaar tot jaar weens voortdurende verandering in die waterdiepte en -gehalte en of die vleimond oop is na die see al dan nie.
Die lagune is belangrik vir die aanteel van vis. Een-en-veertig visspesies is hier al aangeteken, waarvan 19 afhanklik is van riviermondings om hul lewenssiklus te voltooi.
Indringerplantspesies, veral rooikrans en die gewone platanna het reeds ‘n ongewensde invloed op hierdie vleiland. Inwoners van die omgewing en vakansiegangers benut die meer vir visvang, swem, roei en seil.
Sien ook
19°07′O / 34.34°S 19.12°O
This article uses material from the Wikipedia Afrikaans article Botrivier-vlei, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.