Bosveldtjeriktik
Die Bosveldtjeriktik (Parisoma subcaeruleum), (Engels: Chestnut-vented warbler of Rufous-vented warbler) word gereeld onder die genus Sylvia as Sylvia subcaeruleum gelys.
| Bosveldtjeriktik | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | P. subcaeruleum |
| Binomiale naam | |
| Parisoma subcaeruleum (Vieillot, 1817, Gouritsrivier, Kaapprovinsie) | |
Die bosveldtjeriktik broei in Suidelike Afrika in Angola, Botswana, Zimbabwe, Zambië, Namibië, Suid-Afrika, Lesotho, Mosambiek en eSwatini. Dis 'n algemene spesie wat in 'n wye verskeidenheid habitatte gevind word, bv. fynbos, struike, bossies en droë rivierbeddings.
Beskrywing
Die bosveldtjeriktik is 14–15 cm lank en weeg ongeveer 16 g. Die voël se bo-dele is bruingrys, en die stert is swart met 'n breë wit strook op die punt, en dit het 'n wit oogring. Die keelvere is grys met 'n baie donker streep, die bors en maag is grys, met die anale area 'n baie helder bruin. Die bene is swart en die oë is grys van kleur. Die geslagte lyk beide dieselfde, maar die jongeling het nie 'n gestreepte keel nie. Die roepgeluid is 'n hard-gefluite tjeerup-tjee-tjee.
Gedrag
Die bosveldtjeriktik bou 'n grasnessie in plantegroei. Die spesie is monogaam en paar dus lewenslank. Hulle word gewoonlik alleen of in pare opgemerk waar dit in plantegroei op soek is na insekte en ander klein ongewerweldes.
Bewaringstatus
Die voëltjie het 'n baie groot verspreidingsgebied, geskat op 2 800 000 km². Die bevolkingsgrootte is blykbaar ook aansienlik, en die spesie staar nie enige afname in getalle in die gesig volgens die IUBN-rooilys se kriteria nie, dus is hy gelys as "Lae risiko".
Sien ook
Verwysings
- Ian Sinclair, Phil Hockey en Warwick Tarboton, Sasol Voëls van Suider-Afrika (Struik 2002) ISBN 1-86872-721-1
This article uses material from the Wikipedia Afrikaans article Bosveldtjeriktik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.