Die boslelie (Clivia miniata) is ’n spesie blomplante in die genus Clivia en die familie Amaryllidaceae.
Dit is inheems aan vogtige habitats in Suid-Afrika (Wes-Kaap, Gauteng en KwaZulu-Natal) en Eswatini – waar dit binnens- en buitenshuis geplant word. Dit is blykbaar ook in Meksiko genaturaliseer.
Boslelie | |
---|---|
Wetenskaplike klassifikasie | |
Koninkryk: | |
Divisie: | |
Klas: | Liliopsida |
Subklas: | Liliidae |
Orde: | |
Familie: | |
Tribus: | Haemantheae |
Genus: | |
Spesie: | C. miniata |
Binomiale naam | |
Clivia miniata (Lindl.) Verschaff., (1857) |
Die plant het blink, lynvormige blare wat dit ’n gewilde sierplant maak. Dit word sowat 45 cm hoog en die trompetvormige blomme is rooi, oranje of geel met ’n subtiele maar baie soet geur. Dit gaan in die vroeë lente oop. Minstens een kultivar, C. miniata variegata met geel gestreepte blare, word ook aangetref.
In streke met ’n minimum temperatuur laer as 10 ºC word dit as ’n huisplant gekweek.
Blare wat geskroei voorkom en bruin word, dui op te veel direkte sonlig. Wolluise kan ook voorkom. Die plant is ook effens giftig.
This article uses material from the Wikipedia Afrikaans article Boslelie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.