Die miombokoester of boskoester (Anthus nyassae) is 'n gelokaliseerde, algemene standvoël van breëblaarboomveld van suidsentrale Afrika.
Dit is vroeër as 'n takson van die langbekkoester (Anthus similis) gereken, maar word nou soos Nicholsonse koester as 'n aparte spesie beskou. Dit is inheems aan Angola, noordelike Botswana, suidelike DRK, Malawi, noordelike Mosambiek, noordoostelike Namibië, Tanzanië, Zambië en Zimbabwe. In Engels staan dit as die wood pipit bekend.
Miombokoester | |
---|---|
Volwassene in Angola | |
Wetenskaplike klassifikasie | |
Domein: | |
Koninkryk: | |
Filum: | |
Klas: | |
Orde: | |
Familie: | |
Genus: | |
Spesie: | A. nyassae |
Binomiale naam | |
Anthus nyassae Neumann, 1906 |
Die voël is 18 cm groot, weeg 24 gram, en die genders lyk eenders. Die voëls kom as enkelinge of in pare voor en soek hul kos op die grond. Hulle bewoon grasryke breëblaarboomveld, waaronder veral miomboveld, maar ook veld met rooisering, Zambezi- of dopperkiaat. Anders as die Nicholsonse of langbekkoesters word hulle slegs by uitsondering in klipperige areas gevind. Hulle vreet 'n wye verskeidenheid insekte, insluitend grasdraer- en funguskwekertermiete. Hulle uiter 'n mossie-agtige sang uit bome, het 'n tjirpende roep in vlug, en 'n trillende roep wanneer hulle opvlieg.
In Zimbabwe broei hulle hoofsaaklik van September tot November. Die nes word in 'n verskuilde holte langs 'n graspol geplaas, en die legsel bestaan meestal uit 2 tot 3 eiers. Die eier se basiskleur wissel van roomwit, wasigblou tot bleekbruin. Dié is veral om die breër punt olyfbruin, bleeklaventel of in wisselende skadu's van grys, bruin of rooibruin gespikkel of gevlek. Pasuitgebroeide kuikens is swart en naak, maar ontwikkel dons na enkele dae. Volwassenes kan 'n gebreekte vlerk afleidingvertoning by die nes uitvoer. Jongvoëls verveer kort nadat hulle die nes verlaat, en volwassenes ondergaan soortgelyk 'n ververing na die broeityd.
Twee subspesies word in Suider-Afrika onderskei:
This article uses material from the Wikipedia Afrikaans article Miombokoester, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.