Boompie-Verplant: 'n Kinderspel
Boompie verplant is 'n speletjie, soortgelyk aan derdemannetjie, wat deur kinders gespeel word.
Die kinders tree in twee kringe aan, een binne die ander, sodat daar voor elkeen in die buitekring iemand in die binnekring staan. As daar ewe veel seuns as meisies is, kan die buitenste kring die "Adams" wees en die binnekring die "Evas". Indien nie, kies 'n oorspronklike naam vir die buitenste en die binneste kring.
'n Spelleier gee dan aan die twee kringe aparte opdragte. Hy kan byvoorbeeld uitroep, "binnekring, vier plekke links", waarna die binnekring verby vier maats na links skuif. As die spelleier skree, "binnekring, boompie verplant", moet die binnekring so gou moontlik na hulle oorspronklike maats terughardloop. As hy skree: "buitekring, boompie verplant", moet die buitekring weer hulle maats soek. Die leier kan ook net skree, "boompie verplant", waarna almal moet rondskarrel om by hulle oorspronklike maats te kom.
Die een wat die laaste is om by sy maat te kom, word die nuwe spelleier. As 'n variasie kan 'n permanente leier (moontlik 'n onderwyser of toesighouer) aangestel word, wat diegene wat laaste is speel-speel met 'n lat raps.
Verdere naleeswerk
- 'Boompie verplant' in herfs, Die Burger, 3 Mei 2003
Sien ook
This article uses material from the Wikipedia Afrikaans article Boompie-verplant, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.