Bokkeveldpoppiesbos: Plant spesie
Die bokkeveldpoppiesbos (Paranomus bracteolaris) is 'n blomdraende struik wat tot die genus Paranomus behoort en deel van die fynbos vorm.
Die plant is endemies aan die Wes-Kaap en Noord-Kaap, waar dit voorkom op die Bokkeveldeskarp, in die Koue Bokkeveld en die Olifantsrivierberge.
| Bokkeveldpoppiesbos | |
|---|---|
 | |
| Wetenskaplike klassifikasie | |
| Koninkryk: | |
| (geen rang): | |
| (geen rang): | |
| Orde: | |
| Familie: | |
| Genus: | |
| Spesie: | P. bracteolaris |
| Binomiale naam | |
| Paranomus bracteolaris Salisb. ex Knight, (1809) | |
| Sinonieme | |
| |
Die struik is eenstammig en word tot 2 m hoog en blom van Augustus tot Oktober. Die blare is fyn verdeel in naaldvormige segmente; hulle is harig wanneer hulle jonk is. Die blomme is in klein trosse gerangskik in are op die punte van die takke. Hulle is perspienk en 20 - 25 mm lank. Vuur vernietig die plant maar die sade oorleef. Die plant is tweeslagtig en bestuiwing vind deur die werking van insekte plaas. Die vrugte word twee maande nadat die plant geblom het ryp en die sade val na die grond waar dit deur miere versprei word. Die plant groei sandsteen grond op hoogtes van 250 - 1300 m.
In Engels staan die struik as die Smooth-leaf Tree Sceptre bekend. Die boom se FSA-nommer is 72.3.
Galery
Sien ook
Verwysings
Bronne
- Manning, John: Fotogids tot die Veldblomme van Suid-Afrika. Briza Publikasies. ISBN 978 1 920217 01 3
- REDLIST Sanbi
- Protea Atlas
- Biodiversityexplorer
- PlantZAfrica
- Plants of the World Online
This article uses material from the Wikipedia Afrikaans article Bokkeveldpoppiesbos, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.