Boet Pretorius: Suid-Afrikaanse musikant
Boet Pretorius is 'n Afrikaanse musikant, musiekregisseur, -vervaardiger en -verwerker.
Hy is 'n pionier wat baanbrekerswerk op die musiekfront (veral wat Afrikaanse musiek betref) gedoen het. Pretorius het talle kunstenaars oor die jare met hul musiekloopbane gehelp, insluitend Die Briels, Gé Korsten, Min Shaw, Lance James, Groep Twee en Carike Keuzenkamp.
Boet Pretorius | |
|---|---|
| Ook bekend as | Dimpel |
| Beroep(e) | Musiekregisseur, -vervaardiger |
| Instrumente | Stem, kitaar |
| Etikette | Decibel Brigadiers (later EMI) |
Pretorius het al op skool in sangkompetisies gesing en kitaar begin speel. Ná skool het hy klasse in musiek geloop, op universiteit elektronika studeer en sy eie ateljee gebou. Hy het ook langspeelplate onder die naam "Dimpel Pretorius" gemaak en in die orkeste van Jurie Ferreira, Nico Carstens en Hendrik Susan gespeel.
Van ongeveer 1975 het hy by Brigadiers Musiek gewerk, wat later EMI geword het. In 1981 het hy die platemaatskappy Decibel Musiek saam met André Viljoen en Retief van Rooyen (Anneli van Rooyen se pa) begin. Hier was hy vir om en by 130 goue en 15 platinum plate verantwoordelik. In 2000 het hy Decibel verkoop.
Hy was ook vir die volgende rolprente se musiek verantwoordelik:
- Broer Matie, 1984
- Sing vir die harlekyn, 1980
- Aanslag op Kariba, 1973
- Kaptein Caprivi, 1972
In 2007 is hy met 'n Sama vir sy lewenslange bydrae tot plaaslike musiek vereer.
Eksterne skakels
This article uses material from the Wikipedia Afrikaans article Boet Pretorius, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.