Bo-Zambezi-Moddervis
Die Bo-Zambezi-moddervis (Labeo lunatus) is 'n varswatervis wat voorkom in die boonste gedeelte van die Zambezi- en die Okavangorivier.
In Engels staan hy bekend as die Upper Zambezi labeo.
| Bo-Zambezi-moddervis | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Familie: | |
| Genus: | |
| Spesie: | L. lunatus |
| Binomiale naam | |
| Labeo lunatus Jubb, 1963 | |
In die Caprivi staan die vis bekend as die langvin-onderbek asook mudsucker.
Voorkoms
Die Bo-Zambezi-moddervis se kop is klein, met 'n skurwe neus. Daar is klein tuberkels op die neus. Die bek is onder geplaas en kort baarde kan aanwesig wees. Tande is afwesig, maar smaakknoppies kom op die bo- en onderkaak voor.
Die vis se lyf is platterig en die dorsale vin (rugvin) staan hoog uit, meer as twee keer die lengte van die kop. Die rugvinwimpel is die vis se vernaamste kenmerk. Die stertvin is vlak gevurk en die anale vin driehoekig. Dié vinne, asook die buik- en borsvinne, is goed ontwikkel.
Die Bo-Zambezi-moddervis is groenerig of donker silwergrys van kleur, silwer tot grys onder en die vinne het 'n pienk/pers skynsel.
Die skubbe se basis is donker, wat die voorkoms van horisontale strepe oor die lyf gee. Hulle is grof en die telling is 37-40 op die systreep en 16-20 op die stertstam.
Die vis word 400 mm lank en weeg sowat 2,5 kg.
Habitat
Die vis leef in diep water en in hoofstrome, met rotserige sowel as sanderige bodems, en ook in sagtebodem-vloedvlaktemere.
Hulle leef in skole en broei in die somer, vermoedelik in areas wat vol water is tydens die vloedtye. Hulle vreet alge, detritus en waterinsekte. Hulle word gevang met klein hoekies en deeg, gemaak van koekmeel en eier. Alge in 'n bolletjie gerol, en erdwurms sal ook werk, veral as op die bodem gehengel word.
Sien ook
Bron
- A Complete Guide to the FRESHWATER FISHES of Southern Africa. Paul Skelton. 2001. ISBN 978-1-86872-643-1
- Hengel Visse in die Caprivi. Willem Botha. 1984.
Eksterne skakel
Verwysings
This article uses material from the Wikipedia Afrikaans article Bo-Zambezi-moddervis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.