Blouvalk
Die Blouvalk (Elanus caeruleus) is 'n klein daglewende roofvoël in die familie Accipitridae.
Dit is veral bekend vir sy gewoonte om oor oop grasvelde te sweef. Die spesie van Eurasië en Afrika (Engels: "Black-winged kite") word soms met die Australiese (Elanus axillaris) en Amerikaanse blouvalk (Elanus leucurus van Noord-, Sentraal- en Suid-Amerika) gekombineer, om saam 'n superspesie te vorm. Alhoewel dit hoofsaaklik op vlaktes voorkom word dit soms op grasryke hange van heuwels in die hoër geleë gebiede van Asië gesien. Blouvalke is nie migrerend nie, maar beweeg oor kort afstande in reaksie op die weer.
| Blouvalk | |
|---|---|
_in_Kawal_WS,_AP_W_IMG_1681.jpg) | |
 | |
| Volwassene (bo) en juveniele voël (onder) | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Elanus |
| Spesie: | E. caeruleus |
| Binomiale naam | |
| Elanus caeruleus Desfontaines, 1789 | |
 | |
| Verspreiding van die drie subspesies | |
Beskrywing
Hierdie roofvoël het lang vlerke met 'n wit, grys en swart verekleed en, soos 'n uil, oë wat vorentoe wys met rooi irisse. Die lang valkagtige vlerke strek verby die stert wanneer die blouvalk sit. Die kort en vierkantige stert is sigbaar wanneer dit vlieg. Wanneer die blouvalk sit, dikwels op drade langs die pad, is dit meestal besig om sy vlerke te beweeg en wip sy stert op en af om homself te balanseer. Die geslagte lyk eenders.
Verspreiding en habitat
Die blouvalk kom hoofsaaklik voor op vlaktes en in semi-woestyne in sub-Sahara Afrika en tropiese Asië, maar dit kom ook in Europa in Spanje en Portugal voor.
Gedrag en ekologie
Die nes is 'n los platform van takkies waarin 3 of 4 eiers gelê word. Die wyfie doen die meeste moeite met die bou van die nes. Die eiers is lig en roomkleurig met dieprooi kolle. Albei ouers broei, maar wanneer die kuikens uitbroei, spandeer die mannetjie meer tyd om kos te soek. Die wyfies voer aanvanklik die kuikens en jag naby die nes en sal ook voedsel van die mannetjie ontvang. Nadat die kuikens hulle vere gekry het is hulle vir 'n verdere 80 dae steeds afhanklik van hulle ouers vir kos. Aanvanklik vind die oordrag van kos by die broeiplek en later in die lug plaas.
Die blouvalk se prooi sluit sprinkane, krieke en ander groot insekte, akkedisse en knaagdiere in. Beseerde voëls, klein slange en paddas het is ook al aangeteken. Dit is op seldsame geleenthede waargeneem terwyl dit prooi in die vlug jag.
Hierdie voëls slaap kommunaal in groepe van 15 tot 35 (groter getalle in Europa) op 'n groot blaarryke boom.
Sien ook
Verwysings
Eksterne skakel
- Wiki Afrikaans
Wiki Commons het meer media in die kategorie Blouvalk. - http://avibase.bsc-eoc.org/species.jsp?lang=EN&avibaseid=97C47F3E1BA4129A
This article uses material from the Wikipedia Afrikaans article Blouvalk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.