Bloureier
Die bloureier is 'n standvoël van die familie Ardeidae en inheems aan die matige klimaat dele van Europa en Asië asook dele van Afrika.
Die bloureier se Engelse naam is Grey heron.
| Bloureier | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | Ardea |
| Spesie: | A. cinerea |
| Binomiale naam | |
| Ardea cinerea Linnaeus, 1758 | |
 | |
| Liggroen: somer Donkergroen: hele jaar Blou: winter | |
Identifikasie
Die bloureier is 'n groot voël: 90–100 cm lank met 'n 175–195 cm vlerkspan en 'n massa van 1–2 kg. Sy vere is meestal blou-grys bo-op en 'n vuilwit aan die onderkant. Volwassenes het 'n wit kop met 'n breë wit voorkop, terwyl jong voëls 'n grys kop het. Die voël het 'n kragtige pienk-geel bek, wat breër is by parende volwassenes. Die bloureier vlieg stadig, met sy lang nek in 'n "S"-vorm teruggetrek.
Habitat
Die spesie paar in kolonies in bome naby mere, die strand of ander moeraslande. Reiers sal ook soms hul nesse in die riete in rivierbeddings bou. Die nes is groot en lywig en word uit stokkies gebou.
Verspreiding
Die bloureier verkies 'n matige klimaat en word dus in die dele van Europa gevind wat so 'n klimaat bied, sowel as Asië. Dit word ook in die suidelike en westelike dele van Afrika gevind. Baie voëls sal egter migreer tydens die winter om ys in kouer areas te vermy.
Gedrag
Die bloureier jag in vlak water, waar dit visse of paddas vang met sy lang bek. Soms sal dit ook klein soogdiere of ander voëls vang. Die reier wag gewoonlik vir sy prooi om stil te staan voor hy dit vang, of sal dit baie stadig agtervolg.
Die voël maak 'n lang "fraaank" geluid.
Subspesies
- Ardea cinerea cinerea. Linnaeus, 1758. Europa, Afrika, Wes-Asië.
- Ardea cinerea jouyi. Clark, 1907. Oos-Asië.
- Ardea cinerea firasa. Hartert, 1917. Madagaskar.
- Ardea cinerea monicae. Jouanin & Roux, 1963. Mauritanië.
Galery
-
'n Bloureier wat visvang -
'n Onvolwasse reier -
'n Vlieënde bloureier -
'n Bloureier in vlak water -
Skedel -
Eiers
.jpg)
Sien ook
Bronne
- Newman se Voëls van Suider-Afrika, ISBN 1-86872-982-6
- Handbook of the Birds of the World. Josep del Hoyo, Andrew Elliott en Jordi Sargatal (red). 1: 405. Lynx Edicions.
This article uses material from the Wikipedia Afrikaans article Bloureier, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.