Birmaanse Kat

Die naam in Thai is ศุภลักษณ์ (soebh-bha-lak, wat beteken gelukkig, mooi).

Birmaanse kat
Alternatiewe naam	"Burmese" kat
Land	Birma, Thailand
Ontstaan	Natuurlik
Pels	Kort
Patroon	Effekleurig
Wetenskaplike naam
Felis catus (huiskat)
Portaal    Katte

Die kat moenie verwar word met die langharige heilige Birmaanse kat nie.

Die meeste moderne Birmaanse katte is afstammelinge van een wyfiekat met die naam Wong Mau wat in 1930 van Birma na Amerika gebring is. Sommige verenigings beskou die Amerikaanse en Britse katte as twee verskillende groepe en noem laasgenoemde die Europese Birmaan. Hulle was oorspronklik almal bruin, maar ná jare van selektiewe teling is verskeie kleure nou te kry.

 

Birmaanse katte is intelligent, sosiaal en vriendelik met mense. Hulle miaau graag, maar het ’n sagter stem as die Siamese kat, en roep dikwels hul eienaars. Hulle het baie aandag nodig en hou nie daarvan om vir lang rukke alleen gelaat te word nie.

Watter kleure aanvaarbaar is, wissel van vereniging tot vereniging. Die aanvaarbare oogkleur is geel of goudkleurig. Die pels is blink, met ’n satynagtige voorkoms. Die vorm van die Britse ras is meer gematig, maar moenie Oosters wees nie, terwyl die Amerikaanse ras stewiger is. In Suider-Afrika word geen Birmaan geregistreer wat van Noord-Amerika af ingevoer is of ’n kat van daar in die laaste agt geslagte van sy stamboom het nie. ’n Siamese tipe of te stewige lyf is ook ’n fout. Ook Engeland se Governing Council of the Cat Fancy verbied die registrasie van Noord-Amerikaanse katte om die "tradisionele" bloedlyne te bewaar.

Lys van katrasse

• Suider-Afrikaanse standaarde Geargiveer 12 Augustus 2011 op Wayback Machine
• Taylor, David (1989). The Ultimate Cat Book. Dorling Kindersley Publishers Ltd. ISBN 0-86318-371-9. 4de druk
• National Alliance of Burmese Breeders, wat by die CFA geaffilieer is
• Wiki Afrikaans  Wiki Commons het meer media in die kategorie Birmaanse kat.
•   Hierdie artikel is vertaal uit die Engelse Wiki