Bermudadriehoek

Die Bermudadriehoek (ook bekend as die Duiwel se Driehoek) is 'n denkbeeldige driehoek tussen Miami, die Bermuda-eilande en Puerto Rico.

Die gebied strek oor 4 miljoen vierkante kilometer in die westelike deel van die Atlantiese Oseaan. Dit het vanaf die middel van die 20ste eeu bekend geword vir die skynbaar misterieuse verdwyning van verskeie vaar- en vliegtuie.

Bermudadriehoek
Kaart van die Bermudadriehoek

Outeurs van populêre lektuur skryf hierdie verdwynings aan paranormale verskynsels of moontlike aktiwiteite van buiteaardse besoekers toe. Van die beweerde gebeure sluit in vliegtuie wat verdwyn sonder om per radio om hulp te roep, skepe wat spoorloos verdwyn of selfs later sonder hulle bemanning gevind word, en kompasse wat rigting verloor.

Gedokumenteerde bewyse dui daarop dat 'n beduidende persentasie van die voorvalle onwaar, onakkuraat of deur latere skrywers ingekleur is. Talle amptelike liggame het aangedui dat die aantal en aard van die verdwynings in die streek soortgelyk aan dié in enige ander gebied ter see is.

Oorsprong

Die vroegste voorstel van ongewone verdwynings in die Bermuda-omgewing het in 'n artikel deur Edward Van Winkle Jones op 17 September 1950 in die Miami Herald (Associated Press) verskyn. Twee jaar later het die tydskrif Fate die artikel deur George Sand "Sea Mystery at Our Back Door" gepubliseer, wat die verlies van verskeie vliegtuie en skepe insluit, insluitend die verlies van Flight 19 (Vlug 19 en 'n groep vyf Amerikaanse vloot Grumman TBM Avenger-torpedo-bomwerpers op 'n opleidingsmissie. Sand se artikel was die eerste om die nou bekende driehoekige gebied waar die verliese plaasgevind het, uit te lê.

Vlug 19 alleen sou weer behandel word in die April 1962 uitgawe van die Amerikaanse tydskrif "American Legion". Daarin het die skrywer Allan W. Eckert geskryf dat die vlugleier gesê het: "Ons gaan witwater binne, niks lyk reg nie. Ons weet nie waar ons is nie, die water is groen, geen wit nie." Hy het ook geskryf dat amptenare by die Vloot-raad van ondersoek gesê het dat die vliegtuie "na Mars gevlieg het". Sand se artikel was die eerste wat 'n bonatuurlike element in die Vlug 19-voorval voorgehou het.

In Februarie 1964 het Vincent Gaddis 'n artikel met die naam "The Deadly Bermuda Triangle" in die tydskrif Argosy geskryf waarin gesê word dat Vlug 19 en ander verdwynings deel vorm van 'n patroon van vreemde gebeure in die streek. Die volgende jaar het Gaddis hierdie artikel uitgebrei in 'n boek, "Invisible Horizons."

Ander skrywers het uitgebrei oor Gaddis se idees: John Wallace Spencer ("Limbo of the Lost", 1969 en 1973); Charles Berlitz ("The Bermuda Triangle", 1974); Richard Winer ("The Devil's Triangle", 1974), en vele ander. Almal van hulle hou by sommige van dieselfde bonatuurlike elemente soos deur Eckert uiteengesit is.

Sien ook

Verwysings

Tags:

Atlantiese OseaanBermudaMiamiPuerto Rico

🔥 Trending searches on Wiki Afrikaans:

Groot vyfRehoboth-bastersEnkelvoudige sinSkilpadBoontjieMangelontstekingKoue OorlogSonneblomKoorsRenosterGodsdiensKhoikhoiSeksualiteitNic de JagerAntieke Griekse kunsBobby CannavaleEkonomiese sektorMantisEl NiñoAnilingus640Wêrelderfenisgebiede in Suid-AfrikaMoslemGrasveldWysheidBTWGeskiedenis (vakgebied)Morfologie (taalkunde)Periodieke tabelAalwynLys van hoofstedeBorskankerLys van Nasionale Simbole van Suid-AfrikaBorsLewende en nie-lewende dingeStikstofJacques LootsMensSelfvertroueSpringbokkeEienskappe van binêre bewerkingsLys van Suider-Afrikaanse soogdiere volgens wetenskaplike nameWoudHidroëlektrisiteitNathaniel RothschildMeervoudKoolstofdioksiedGewerweldesEpilepsieEenvoudige hangbrugSikhismeFamilie (verwantskap)MapungubweIntensiewe vormHoofpynWillie JoubertMuilGeslagsorgaanPoësiePornografiese akteurFacebookVanadiumEienaamTienerRinkhalsRiviersonderendSkoenlapperHartseerKlierGianna MichaelsJohannes MeintjesMetafoorNier🡆 More