Baton Rouge: Hoofstad en tweede grootste nedersetting van die Amerikaanse deelstaat Louisiana
Baton Rouge is die hoofstad en tweede grootste nedersetting van die Amerikaanse deelstaat Louisiana.
Die naam Baton Rouge kom van die Franse Bâton-Rouge, wat rooi stok beteken - 'n vertaling van die Indiaanse pleknaam Istrouma sowel as 'n verwysing na die tradisie van plaaslike Indiane om die grense van jaggronde met rooi pale te merk waarop dierkarkasse (volgens oorlewering visse en beerkoppe) vasgemaak is. In 1849 het Baton Rouge, wat in 1817 geïnkorporeer is, New Orleans as regeringsetel van Louisiana vervang. Tradisioneel dien Baton Rouge as kulturele middelpunt vir Louisiana se Cajun- en Kreole-gemeenskappe.
| Baton Rouge | |
|---|---|
| Kaart | Wapen |
 | |
 | |
| Vlag | |
 | |
| Land |  Verenigde State |
| Deelstaat |  Louisiana |
| Parogie (parish) | East Baton Rouge |
| Koördinate | 35°28′N 97°32′W / 35.467°N 97.533°W |
| Geïnkorporeer | 1817 |
| Oppervlakte: | |
| - Totaal | 1 608 vk km |
| Hoogte bo seevlak | 396 m |
| Bevolking: | |
| - Totaal (2007) | 227 071 |
| - Bevolkingsdigtheid | 1 144/vk km |
| - Metropolitaanse gebied | 790 000 |
| Tydsone | UTC -6 | Somertyd: UTC -5 |
| Burgemeester | Sharon Weston Broome (D) |
| Amptelike Webwerf | Baton Rouge |
Baton Rouge, wat in die suidooste van die deelstaat geleë is, is die vyfde grootste stedelike nedersetting langs die Mississippi en setel van Louisiana se grootste parogie (administratiewe distrik). Danksy sy strategiese ligging het die nedersetting tot 'n belangrike rivierhawe en nywerheidstad ontwikkel. Dit is daarnaas een van die spilpunte van die nasionale logistiek- en energiebedryf.
Baton Rouge se bevolking word op 220 000 beraam. Dit beskik oor twee universiteite: die Louisiana State University en die Southern University. Baton Rouge se metropolitaanse lughawe verbind die deelstaathoofstad met die internasionale lughawens van Houston in Texas en die Suidstate-spil Atlanta in Georgia asook streekslughawens in Dallas-Fort Worth en Charlotte.
Verwysings
Eksterne skakels
- Wiki-webtuistes
- Wiki Afrikaans
Wiki Commons het meer media in die kategorie Baton Rouge.
- Amptelike webtuiste
- Toerisme
| Hoofstede van die Verenigde State | ||||
|---|---|---|---|---|
| ||||
.svg)
This article uses material from the Wikipedia Afrikaans article Baton Rouge, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.