Chris Hani Baragwanath-Hospitaal: Hospitaal in Suid-Afrika
Die Chris Hani Baragwanath-hospitaal is ’n hospitaal geleë in Soweto, suid van Johannesburg, Suid-Afrika.
Dit is die grootste hospitaal in Afrika en die suidelike halfrond en die vierde grootste hospitaal ter wêreld met ’n oppervlakte van 0,7 km² en met 3 200 beddens en 6 760 personeellede. Dit is een van die veertig Gautengse provinsiale hospitale en word deur die Gautengse Provinsiale Gesondheidsdepartement gefinansier.
Die hospitaal is in 1941 deur eerste minister, genl. Jan Smuts, as die Royal Imperial Hospital, Baragwanath geopen en het as militêre hospitaal vir die Imperiale Britse magte gedien wat in die Midde-Ooste geveg het. Die hospitaal het vanaf 1948 as die Baragwanath-hospitaal bekendgestaan, genoem na John Baragwanath, 'n Corniese immigrant wat die grond besit het waarop die hospitaal vandag staan. Die naam Chris Hani is in 1997 by die hospitaal se naam gevoeg om die vermoorde ANC- en SAKP-lid te herdenk.
Meer as tweeduisend pasiënte meld daagliks by die hospitaal aan, en bykans die helfte van hulle is MIV-positief.
Bronne
- Die hospitaal se geskiedenis volgens die hospitaal Geargiveer 3 Augustus 2012 op Wayback Machine
Verwysings
Eksterne skakels
27°56′35″O / 26.26083°S 27.94306°O
This article uses material from the Wikipedia Afrikaans article Chris Hani Baragwanath-hospitaal, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.