Atlasof-Eiland

Ander name vir die eiland sluit in Oejachuzjatsj, Ojakowa en Alaid, die naam van die vulkaan op die eiland.

Atlasof
Eiland van die Koerile
Atlasof-eiland van 'n afstand af gesien.
Ligging	See van Ochotsk
Plaaslike naam	Остров Атласова 阿頼度島
Argipel	Koerile
Oppervlakte	119 km2
Hoogste punt	Alaid
Hoogte	2 285 m
Land	Rusland
Deelgebied	Sachalin-oblast
Bevolking	0

Die eiland is genoem na Wladimir Atlasof, 'n 17de-eeuse Russiese ontdekkingsreisiger wat die nabygeleë Kamtsjatka-skiereiland by Rusland ingelyf het. Die eiland is eintlik die keël van die ondersese vulkaan Alaid wat tot 2 285 m bo die See van Ochotsk uittroon. Die eiland het 'n oppervlakte van 119 km², maar is tans onbewoon. Dit val in Rusland se Sachalin-oblast.

Sy feitlik ronde vorm het tot baie legendes aanleiding gegee onder die streek se inheemse inwoners, soos die Ainoe. Die volgende storie is aan die Russiese wetenskaplike Stepan Krasjeninnikof vertel: Die eiland was eens 'n berg in Kamtsjatka, maar die omringende berge het jaloers geraak op sy skoonheid en dit na die see verban. Dit het die Koerilemeer in Suid-Kamtsjatka agtergelaat. Geografies is die verhaal nie sonder meriete nie: ná die laaste ystyd het die meeste van die ys by die pole gesmelt, en dit het die wêreld se watervlak laat styg. Dit het moontlik die landbrug na die vulkaan oorstroom.

• Wiki Afrikaans  Wiki Commons het meer media in die kategorie Atlasof-eiland.

•   Hierdie artikel is in sy geheel of gedeeltelik uit die Engelse Wiki vertaal.