Aethelstan (895 – 27 Oktober 939) (letterlik Edelsteen) was van 924 tot met sy dood koning van Engeland.
Hy was waarskynlik die buite-egtelike seun van Eduard die Ouere. Daar is twyfel oor die huwelikstaat van sy ouers.
Aethelstan | |
---|---|
Koning van Engeland | |
Die graf van Aethelstan. | |
Huis | Wessex |
Regeer | 924–939 |
Voorganger | Ethelweard van Wessex |
Opvolger | Edmund I |
Gebore | 895 |
Oorlede | 939 |
Vader | Eduard die Ouere |
Moeder | Ecgwynn |
Aethelstan word wel beskou as die eerste werklike koning van Engeland. Hy het groot oorwinnings behaal oor sy vyande, waaronder die Dene, en het sy grondgebied uitgebrei na dele van Wallis en Cornwallis. Sy grootste oorwinning oor ’n vyandige bondgenootskap van Skotland, Wallis en die Vikings was in 937 in die Slag van Brunanburh.
Aethelstan het wette uitgevaardig wat die bestuur oor sy grondgebied versterk het. Hy het bondgenootskappe gesluit deur vier van sy halfsusters te laat trou met Wes-Europese heersers. Hy was ook ’n kultuurliefhebber en die versamelaar van kunswerke. Hy het ’n groot deel daarvan aan sy volgelinge en die kerk weggegee om hul steun te verseker.
Aethelstan het geen kinders gehad nie en is opgevolg deur sy halfbroer Edmund I.
This article uses material from the Wikipedia Afrikaans article Aethelstan van Engeland, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.