Arthur Guinness
Arthur Guinness (* 28 September 1725, † 23 Januarie 1803) was 'n Brits-Ierse entrepreneur en filantroop wat bekendheid verwerf het as stigter van die Guinness-brouery in Dublin, Ierland, en die Guinness-dinastie.
Arthur Guinness | |
|---|---|
 | |
| Gebore | 28 September 1725 Celbridge, graafskap Kildare, Ierland |
| Sterf | 23 Januarie 1803 (op 77) Mountjoy Square, Dublin, Ierland |
| Nasionaliteit | Iers |
| Beroep | Entrepreneur, bierbrouer |
| Bekend vir | Guinness-brouery in Dublin |
| Eggenoot | Olivia Whitmore |
| Kinders | 21 |
| Ouer(s) | Richard en Elizabeth Guinness |
In 1752, toe Arthur Guinness 27 jaar oud was, het sy peetoom Arthur Price, die Anglikaanse Kerk van Ierland se aartsbiskop van Cashel, in sy laaste wil die som van £100 aan hom bemaak. Arthur het dié bedrag aangewend om 'n bierbrouery in Leixlip in die graafskap Kildare, sowat 17 km van Dublin af, te pag. In 1759 het Guinness hom in Dublin gevestig om daar sy eie onderneming te stig. Hy het met die nasate van Sir Mark Rainsford, 'n vroeëre lord mayor van Dublin en grondlegger van die brouery by St James's Gate, 'n pagkontrak oor 9 000 jaar aangegaan waarvoor hy 'n jaarlikse huurgeld van £45 moes betaal.
Arthur Guinness se bloemige rooi handtekening versier steeds die etikette van bier wat in die Dublinse Guinness-aanleg gebrou is.
Verwysings
This article uses material from the Wikipedia Afrikaans article Arthur Guinness, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.