Arnold Theiler
Sir Arnold Theiler (26 Maart 1867 - 24 Julie 1936) was 'n Suid-Afrikaanse bakterioloog en stigter van die Onderstepoort Veeartsenykundige Laboratorium en die vader van Max Theiler.
Hy is in Switserland gebore en kom in 1891 in Suid-Afrika aan as raadgewende veearts vir die Johannesburgse Sanitêre Raad. Hy was in 1893 veearts vir die Zuid-Afrikaanse Republiek en tydens die runderpesepidemie het hy saam met dr. Robert Koch gewerk. Die eerste Veeartsenykundige Laboratorium is eers op Daspoort opgerig en toe later by Onderstepoort. In 1902 word hy heraangestel as Veeartsenykundige Bakterioloog. Hy het navorsing gedoen op onder andere gallamsiekte. Hy is in 1910 aangestel as direkteur van Veeartsenykundige Navorsing en in 1920 as Direkteur van Veeartsenykundige Onderwys en ook as professor in Veeartsenykundige aan die Tranvaalse Universiteitskollege - later die Universiteit van Pretoria. In 1907 is hy tot ridder geslaan. Hy het baie oorsese eerbewyse ontvang.
| Arnold Theiler | |
 | |
Theiler in 1923 | |
| Gebore | 26 Maart 1867 Frick, Switserland |
|---|---|
| Oorlede | 24 Julie 1936 Londen, Verenigde Koninkryk |
| Vakgebied | veearts |
| Alma mater | Universiteit van Zürich |
| Toekennings | Orde van Sint Michael en Sint George |
Bron
- Ensiklopedie van Suidelike Afrika, Eric Rosenthal, 1967
- Gutsche, Thelma: There was a man - The life and times of Sir Arnold Theiler K.C.M.G. of Onderstepoort. Kaapstad: Howard Timmins, 1979. ISBN 0-86978-164-2
This article uses material from the Wikipedia Afrikaans article Arnold Theiler, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.