Nicholsonse Koester: Voëlspesie
Die Nicholsonse koester (Anthus nicholsoni) is 'n algemene maar gelokaliseerde standvoël wat hoofsaaklik op oop, klipbesaaide heuwelhange in grasveld en savanne voorkom.
Die spesie kom een-een of in pare voor en sit dikwels op rotse, struike of bome. Hulle behoort tot 'n spesie-kompleks met 'n uitgestrekte verspreiding in Afrika en Suid-Asië, wat vroeër onder Anthus similis (Engels: long-billed pipit) verenig is. Die Nicholsonse en miombokoesters word nou egter as aparte spesies in hierdie kompleks beskou. Die Nicholsonse koester is feitlik tot Eswatini, Suid-Afrika, Lesotho en Namibië beperk, waar hul verspreiding dié van kliprandjies, koppies en berghange volg, van seevlak tot in die Lesotho-hoogland. Die voël is 19 cm groot en weeg 30 gram. Dit is vernoem na Francis Nicholson (1843-1925), 'n Engelse katoenhandelaar en amateur-ornitoloog wat 'n belangstelling in die Motacillidae gehad het. In Engels staan dit as "Nicholson's pipit" bekend.
| Nicholsonse koester | |
|---|---|
_(cropped).jpg) | |
| A. n. petricolus in KwaZulu-Natal | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Klas: | |
| Orde: | |
| Familie: | |
| Genus: | |
| Spesie: | A. nicholsoni |
| Binomiale naam | |
| Anthus nicholsoni Sharpe, 1884 | |
| Sinonieme | |
| Agrodroma similis | |
Subspesies
Vyf subspesies word erken:
- A. nicholsoni nicholsoni — Noordwes tot benede-Oranjerivier
- A. nicholsoni leucocraspedon Reichenow, 1915 — Khomas-hoogland en omstreke
- A. nicholsoni petricolus Clancey, 1956 — Transvaal, Eswatini, noord-Vrystaat, KwaZulu-Natal, Lesotho-hoogland
- A. nicholsoni palliditinctus Clancey, 1956 — Kaokoveld
- A. nicholsoni primarius Clancey, 1990 — Wes-Kaap, Oos-Kaap en suidelike Noord-Kaap en Vrystaat
Galery
-
A. n. petricolus naby Devon, Gauteng -
A. similis decaptus in Indië -
'n Jongvoël van A. s. similis in Indië -
A. s. similis naby Mysore, Indië -
Eier van A. s. captus
.jpg)
.jpg)
.jpg)
Sien ook
Verwysings
Bronnelys
- Sasol Voëls van Suider-Afrika. Struik Nature. Vierde Uitgawe 2011. ISBN 978-1-77007-928-1
This article uses material from the Wikipedia Afrikaans article Nicholsonse koester, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.