Anenouspas
Die Anenouspas op die R382 verbind Steinkopf (op die N7-nasionale pad na Namibië) met die hawe van Port Nolloth aan die Atlantiese Oseaan.
Die pas gaan 20 km wes van Steinkopf oor die Klipfonteinbergreeks. Aanvanklik is die pad gebou vir die vervoer van kopererts van die myne rondom Okiep en Concordia na Port Nolloth (in die Richtersveld) vir verskeping na die buiteland. In 1953 is die pad ingrypend verlê en verbou. Sestien kilometer nuwe pad is gebou waarvan die pas 5 km beslaan. Op 10 Julie 1953 het die minister van lande, Paul Sauer, die openingseremonie waargeneem. Weens verdere ontwikkelinge in die mynbedryf (veral koper en diamante) in dié deel van die land is die pas in 1979 verder verbeter en geteer. Die pas bereik 'n maksimum hoogte van 950 m bo seevlak en 'n gradiënt van 1:25.
| Anenouspas | |
| Ligging | Tussen Port Nolloth en Steinkopf |
|---|---|
| Maksimumhelling | 1:25 |
| Hoogte | 950 m |
| Lengte | 5 km |
| Oppervlak | Teer |
| In | Klipfonteinberg |
| Pad | N7 |
Bibliografie
- Clement, A.J.: The Port Nolloth mule train. In: Lantern. Tydskrif vir Kuns, Kennis en Kultuur. Jaargang 29, nr. 2, April 1980.
- Ross, Graham: The romance of Cape Mountain Passes. Kaapstad: Sunbird, 2011. ISBN 978-1-920289-51-5
Sien ook
17°36′26.64″O / 29.2259000°S 17.6074000°O
This article uses material from the Wikipedia Afrikaans article Anenouspas, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.