Amira Willighagen: Nederlands-Suid-Afrikaanse sangeres
Amira Willighagen (Nijmegen, 27 Maart 2004) is 'n jong Nederlandse sangeres wat bekend geword het met die sing van operaliedere.
Haar moeder, Frieda, is 'n Suid-Afrikaner wat aan die Hoërskool Wesvalia in Klerksdorp gematrikuleer en in 1995 na Nederland verhuis het.
Amira Willighagen | |
|---|---|
 Willighagen in Desember 2023 | |
| Agtergrondinligting | |
| Gebore | 27 Maart 2004 Nijmegen, Nederland |
| Genres | Opera |
| Instrumente | Stem |
| Webwerf | Amira Willighagen Official |
Willighagen verwerf op negejarige ouderdom bekendheid in haar geboorteland toe sy in die program Holland's Got Talent die aria O mio babbino caro uit die Italiaanse opera Gianni Schicchi sing. Haar oudisie op YouTube is wêreldwyd deur meer as 20 miljoen mense gesien. In die daaropvolgende direkte beeldsending sing sy Ave Maria van Charles Gounod. Op 28 Desember 2013 seëvier Willighagen in die eindronde met haar uitvoering van Nessun dorma uit die opera Turandot.
Naas haar sang is Amira ook 'n ywerige atleet. Sy wen die Zevenheuvelenloop in haar kategorie in November 2012 sowel as in November 2013. In Januarie 2014 triomfeer sy in haar kategorie in die Leemkuil-landloop.
Haar debuutalbum, getitel Amira, is in Engeland opgeneem en teen die einde van Maart 2014 uitgereik. 'n Deel van die opbrengs uit CD-verkope en optredes word vir die bou van speelterreine vir arm kinders geskenk. Die eerste speelterrein wat met haar bydrae tot stand gekom het, is op 5 Maart 2014 in die township Ikageng, by Potchefstroom in Suid-Afrika, geopen.
Twee weke ná die vrystelling van haar debuutalbum is genoeg eksemplare verkoop en afgelaai om vir goue status te kwalifiseer. Sy ontvang haar eerste Goue Plaat op 14 April 2014.
In 2016 het sy in die "Classics Is Groot"- en "Afrikaans is Groot"-konsert in Pretoria opgetree.
Diskografie
- Amira, 2014 (Goue Plaat)
- Merry Christmas, 2015
- With all my heart, 2018
Verwysings
Eksterne skakels
| Wiki Commons bevat media in verband met Amira Willighagen. |
This article uses material from the Wikipedia Afrikaans article Amira Willighagen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.