Alzheimersiekte
Alzheimersiekte is 'n progressiewe neurodegeneratiewe siekte met kenmerkende kliniese en patologiese tekens.
| Alzheimersiekte | ||
| Klassifikasie en eksterne bronne | ||
 | ||
| ’n Vergelyking tussen ’n gewone verouderde brein (links) en die brein van iemand met Alzheimer. | ||
| ICD-10 | G30, F00 | |
| ICD-9 | 331.0, 290.1 | |
| OMIM | 104300 | |
| DiseasesDB | 490 | |
| MedlinePlus | 000760 | |
| eMedicine | neuro/13 | |
| MeSH | D000544 | |
 Mediese waarskuwing | ||
Dit kan in die vroeë stadiums moeilik wees om te onderskei van kognitiewe agteruitgang in die normale brein verwant aan veroudering. Die deurlopende agteruitgang in geheue, vloei van spraak en ruimtelike oriëntasie lei egter tot toenemende inkorting van onafhanklikheid en uitvoerende vermoëns. In die vroeëre stadiums kan depressie en angstigheid ook die beeld kompliseer, maar dit verminder namate toenemende verlies aan insig volg.
In die middelstadiums van die siekte raak selfsorg toenemend 'n probleem en al hoe meer toesig is nodig om ook veiligheid te verseker. In die laat stadiums word deurlopende verpleegsorg in 'n sorgeenheid gewoonlik aanbeveel.
Stadiums van Alzheimersiekte
- - Geen duidelike simptome.
- - Subjektiewe vergeetagtigheid; normale ondersoek.
- - Probleme by werk; sukkel met spraak; verdwaal wanneer in onbekende plekke; familie raak bewus van probleem; subtiele agteruitgang met ondersoek.
- - Inkorting in vermoë om te reis, tel, onlangse gebeurtenisse te onthou.
- - Het hulp nodig om klere uit te soek; disoriëntasie ten opsigte van tyd of plek; sukkel om name van byvoorbeeld kleinkinders te onthou.
- - Het toesig nodig om te eet en vir persoonlike higiëne; kan inkontinent raak; disoriëntasie ten opsigte van tyd, plek en moontlik persoon.
- - Verlies van spraakvermoë; inkontinensie; motoriese styfheid.
Patologiese veranderinge
- Kortikale atrofie
- Sinaptiese en neuronale verlies
- Amiloïed angiopatie
- Neuritiese plake met amiloïed kerne
- Neurofibrillêre knope
- Akutefase-reagense en lokale inflammatoriese reaksie
Etiologie
Dit blyk dat Alzheimersiekte 'n heterogene siekte is weens genetiese en verworwe faktore. Die volgende kan 'n rol speel:
- Ouderdom
- ApoE4
- Familiegeskiedenis
- Hoofbesering
- Lae vlak van opvoeding
- Sistoliese hipertensie
- Downsindroom
Bronne
- Gauthier S. Alzheimer's Disease in Primary Care, 2nd Ed. Martin Dunitz Ltd. London, 1999.
This article uses material from the Wikipedia Afrikaans article Alzheimersiekte, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.