Aleoete-Eilande
Die Aleoete-eilande (Engels: Aleutian Islands), tot 1867 ook Katharina-eilande, is 'n hoofsaaklik Amerikaanse eilandketting tussen die vastelande van Noord-Amerika en Asië wat as die mees westelike uitloper van die Alaskaanse Skiereiland oor 'n afstand van meer as 1 800 kilometer tot in die suidelike Beringsee strek.
Die Aleoetiese Eilande is sodoende die langste argipel ter wêreld.
| Aleoete-eilande Inheemse naam: Aleutian Islands | |
|---|---|
 Nasa-Satellietbeeld van die Aleoetiese Eilande en die Alaskaanse Skiereiland | |
| Geografie | |
 | |
| Ligging | Beringsee, Stille Oseaan |
| Koördinate | 55°N 164°W / 55°N 164°W 164°W / 55°N 164°W
|
| Totale eilande | >300 |
| Hoofeilande | Unalaska-eiland |
| Oppervlakte | 17 670 km²
|
| Administrasie | |
 Verenigde State | |
| Deelstaat |  Alaska
|
| Grootste stad | Unalaska (4 283)
|
 Rusland | |
| Krai | Kamtsjatka
|
| Demografie | |
| Bevolking | 8 163
|
| Bevolkingsgroepe | Aleoete |
Die Aleoete-eilande is van vulkaniese oorsprong – sommige van die 57 vulkane is nog steeds aktief. Daarnaas word die landskap deur groen weivelde oorheers. Sterk, dikwels selfs stormagtige winde en baie reën is kenmerkend vir die koel klimaat van die streek. Die Aleoetiese Eilande se vulkane behoort tot die Ring van Vuur wat die Stille Oseaan van Nieu-Seeland tot Chili omsirkel.
Die eilandgroep, wat na sy inheemse bevolking genoem is, het in 1867 Amerikaans geword toe die Verenigde State Alaska van Rusland gekoop het. In 1943 was die eilande 'n oorlogstoneel tussen die Verenigde State en Japan, en enkele bouvalle uit die tyd van die Tweede Wêreldoorlog kan nog steeds besigtig word.
Verwysings
Eksterne skakels
- Wiki Afrikaans
Wiki Commons het meer media in die kategorie Aleoete-eilande. - (en) Toerisme-inligting oor Aleoetiese Eilande op Wikivoyage
This article uses material from the Wikipedia Afrikaans article Aleoete-eilande, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.