Die Aktuariële Genootskap van Suid-Afrika (AGSA) is die bestuursliggaam van die aktuariële beroep in Suid-Afrika.
Om professionele lidmaadskap tot die Genootskap te verkry, moet die voorgeskrewe eksamens van die Genootskap afgelê word. Voor 2010 is lidmaadskap verkry deur die eksamens van ander erkende aktuariële organisasies, soos die Instituut van Aktuarisse in Londen of die Fakulteit van Aktuarisse in Edinburg, te voltooi.
AGSA bied drie professionele aanwysings aan:
Om as Vennoot of Genoot tot die Genootskap toegelaat te word, is 'n baccalaureusgraad, nie noodwendig in aktuariële wetenskap nie, 'n voorvereiste. Lede van die Genootskap wat as Vennoot of Genoot toegelaat is, mag hulself aktuaris noem. AMASSA of FASSA is voorvereistes om as CERA aangewys te word.
AGSA se professionle aanwysings word erken deur die Instituut en Fakulteit van Aktuarisse in die Verenigde Koninkryk ('n genootskap wat na die samesmelting van die Instituut van Aktuarisse in Londen en die Fakulteit van Aktuarisse in Edinburg in 2010 gevorm is), die Genootskap van Aktuarisse in Ierland, en die Instituut van Aktuarisse in Australië.
Benewens die Genootskap se professionele aanwysings, laat dit persone onder studente- of biblioteeklidmaatskap tot die Genootskap toe. Studentelidmaatskap is vir diegene wat die eksamens aflê, en biblioteeklidmaatskap is vir diegene wat nie beoog om as aktuaris te kwalifiseer nie, maar wat toegang tot die vaklektuur wat deur die Genootskap vrygestel word, wil hê.
Indien aan die Genootskap se voorgeskrewe standaard voldoen word vir ekwivalente vakke aan A101 tot A302 by 'n tersiêre onderriginstelling, kan 'n kandidaat na die diskresie van die Genootskap van die aflê van hierdie eksamens vrygestel word.
A401, A402, en A404 is bywoningskursusse wat formele assessering insluit. A403 is 'n geïntegreerde werkplekoorsigprogram.
Hierdie vakke kan ook as deel van nagraadse programme by geakkrediteerde universiteite afgelê word.
F304 is 'n bywoningskursuss wat formele assessering insluit. F403 is 'n geïntegreerde werkplekoorsigprogram.
This article uses material from the Wikipedia Afrikaans article Aktuariële Genootskap van Suid-Afrika, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.