Aigues-Mortes
Aigues-Mortes is 'n stad en ou seehawe in Petite Camargue, naby Nîmes in Suid-Frankryk en sowat vyf kilometer oos van La Grande-Motte, wat deur koning Lodewyk IX as seehawe vir die kruistogte van die jare 1246 en 1270 gestig is.
Aigues-Mortes | |
|---|---|
 | |
.svg) Wapen | |
  Aigues-Mortes | |
| Koördinate: 43°34′03″N 4°11′36″O / 43.56750°N 4.19333°O 4°11′36″O / 43.56750°N 4.19333°O | |
| Land |  Frankryk |
| Gewes |  Languedoc-Roussillon |
| Département |  Gard |
| Arrondissement | Nîmes |
| Kanton | Aigues-Mortes |
| Stigting | 10de eeu |
| Regering | |
| • Burgemeester | Cédric Bonato |
| Oppervlak | |
| • Totaal | 57,78 km2 (22,31 vk. myl) |
| Hoogte | 0–3 m (0–9,8 ft) |
| Bevolking | |
| • Totaal | 8 116 |
| • Digtheid | 140/km2 (400/vk. myl) |
| Poskode | 30220 |
| Skakelkodes | 30003 |
| Webwerf | ville-aigues-mortes.fr |
Aigues-Mortes is met sy tipiese roosterpatroon van reguit strate wat mekaar kruis is 'n voortreflike voorbeeld van middeleeuse stadsbeplanning.
Danksy die koninklike bevordering van die handel beleef die stad 'n bloeitydperk, wat eers teen die middel van die 14de eeu tot 'n einde kom. Die stad is daarna grotendeels verlaat.
Die oorspronklike kruisvaarderstad is grotendeels bewaar en die huidige stad met 7 891 inwoners (2008) is 'n gewilde toeristebestemming in die département Gard (région Languedoc-Roussillon). Aigues-Mortes lê nou sowat vier kilometer van die kuslyn af en word deur middel van 'n kanaal met die see verbind. Die belangrikste bronne van inkomste naas die toerisme is wynbou en soutontginning.
Geskiedenis
Die Romeinse Gaius Marius berig van 'n nedersetting wat reeds in die jaar 102 v.C. bestaan. Die naam Ayga Mortas (Dooie Waters) word vir die eerste keer in die 10de eeu gebruik. Tot by die 16de eeu bly Aigues-Mortes 'n belangrike vervoersentrum van die Mediterreense Frankryk.
This article uses material from the Wikipedia Afrikaans article Aigues-Mortes, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.