Afrikaanse Taalgenootskap (afgekort ATG) is op 13 Desember 1905 op 'n kongres in Pretoria onder leiding van Gustav Preller gestig.
Die doel van die Afrikaanse Taalgenootskap was om mense aan te moedig om Afrikaans te skryf en te praat, om Nederlands te leer en albei te kan lees. Die stigting van die Afrikaanse Taalgenootskap, saam met die Afrikaanse Taalvereniging, is as die aanvang van die Tweede Afrikaanse Taalbeweging beskou. Die Volkstem, waar Preller 'n assistentredakteur was, dokumenteer meeste van die genootskap se werksaamhede en vordering.
Die toespraak wat Onze Jan Hofmeyr op 6 Maart 1905 voor ‘Ons Spreekuur’ op Stellenbosch gelewer het, het aanleiding gegee tot die stigting van die genootskap. Hierin het hy gevra: ‘Is 't ons Ernst?', en het 'n sterk pleidooi gelewer het vir die belange van Nederlands in die private en openbare lewe, in die onderwys en in die staatsdiens. Sy toespraak is in De Zuid-Afrikaan gepubliseer en ook in pamflette uitgegee. Dit het oral in die land groot belangstelling gaande gemaak.
As teenreaksie hierop het dr. Gustav Preller 'n pleidooi gelewer vir Afrikaans. Preller het in De Volksstem van 19 April tot 14 Junie 1905 'n reeks artikels geskryf onder die opskrif: "Laat 't ons toch ernst wezen", en sy aksie teen Nederlands gerig met die leuse: "Afrikaans schrijven en spreken, Hollands leren, albei lezen".
Die volgende is uittreksels van die statute, soos goedgekeur op die eerste jaarvergadering in 1907:
Daar bestaan 'n vereniging met die naam van Die Afrikaanse Taalgenootskap.
Doel van die Genootskap is:
Die Genootskap sal trag om sy doel te bereik:
This article uses material from the Wikipedia Afrikaans article Afrikaanse Taalgenootskap, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.