Afrika-Greepvis: Visspesie
Die Afrika-greepvis (Hepsetus odoe) is 'n varswater vis wat voorkom in die Kunene- en Okavangoriviere, die boonste gedeelte van die Zambezirivier en die Kafuerivier.
Dit kom ook in Sentraal-Afrika en Wes-Afrika voor. Die vis kom egter nie voor in die groot mere van Afrika nie. In Engels staan die vis bekend as die African Pike - in die Caprivi staan die vis bekend as die Varswater Snoek.
| Afrika-greepvis | |
|---|---|
 | |
| Wetenskaplike klassifikasie | |
| Domein: | |
| Koninkryk: | |
| Filum: | |
| Subfilum: | |
| Infrafilum: | |
| Superklas: | |
| Klas: | |
| Subklas: | |
| Infraklas: | |
| Superorde: | |
| Orde: | |
| Superfamilie: | Erythrinoidea |
| Familie: | |
| Genus: | |
| Spesie: | H. odoe |
| Binomiale naam | |
| Hepsetus odoe (Bloch, 1794) | |
Dié vis is ‘n varswater spesie en moenie met die soutwater Snoek verwar word nie.
Voorkoms
Die vis se kop is slangagtig en vierkantig van voor gesien. Die profiel is wreed en reguit. Sy tande is buite die bek sigbaar, in vliese versteek, in pare geplaas en uiters gevaarlik.
Die rugvin is klein, vierkantig en op die laaste derde gedeelte van die lyf teenwoordig. Die vetvin is aanwesig, halfpad tussen die rug- en stertvin en is oranje/swart. Die stertvin is goed ontwikkel en gevurk. Die anale vin is redelik goed ontwikkel. Die buikvin is gepaard. Die borsvin is gepaard maar redelik klein.
Die vis se vorm is baie vaartbelyn vir groot spoed. Die lyf kleur is geelgroen tot donkergroen, amper swart op die rug. Daar is donker spikkels op die vinne, onduidelike vertikale strepe op die lyf maar mooi geel en groen strepe agter die oë op die kiefdeksel. Die skubbe is redelik fyn.
Die Caprivi rekord is 1.9 kg en wyfies word groter as mannetjies.
Habitat
Die vis hou van oop water, maar waar tiervis teenwoordig is, is hy as gevolg van sy grootte gedwing om in baaie, vleie ens., waar skuiling is, te hou.
Hy word gewoonlik in skoon water langs ‘n lap lelies, rietpol of watergras, op ‘n vinnig bewegende blink (medium tot klein) kunsaas (soos 'n lepel) gevang. Ander ase wat werk is milt, vleis, visaas, paddas en groter insekte.
Algemeen
‘n Ligte staalstrop is noodsaaklik, die vis spook lekker en spring gedurig. In troebel of vuil water moet aas op die bodem gebruik word. Vir sy grootte is hy gewis een van die beste vegters.
Sien ook
Bron
- A Complete Guide to the Freshwater Fishes of Southern Africa. Paul Skelton. 2001. ISBN 978-1-86872-643-1
- Hengelvisse in die Caprivi. Willem Botha. 1984.
Eksterne skakel
This article uses material from the Wikipedia Afrikaans article Afrika-greepvis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.