Swarthaak: Boomspesie
Die Swarthaak (Senegalia mellifera) is 'n algemene doringboom in Afrika.
Die naam mellifera verwys na die boom se soetgeurige bloeisels en heuning. Die hout word pikswart as dit geolie word. Die boom staan in Engels as die Blackthorn bekend. Dit is gelys as nie bedreigd. In Suid-Afrika is die plant inheems in Gauteng, Limpopo, Noord-Kaap, Noordwes en die Vrystaat. Buite Suid-Afrika is die boom inheems in Angola, Botswana, Djiboeti, Egipte, Eritrea, Eswatini, Ethiopië, Jemen, Kenia, Mosambiek, Namibië, Saoedi-Arabië, Somalië, Soedan, Tanzanië, Tsjad, Uganda, Zambië en Zimbabwe.
| Swarthaak | |
|---|---|
 | |
 | |
Wetenskaplike klassifikasie  | |
| Domein: | Eukaryota |
| Koninkryk: | Plantae |
| Klade: | Tracheofiete |
| Klade: | Angiospermae |
| Klade: | Eudicots |
| Klade: | Rosids |
| Orde: | Fabales |
| Familie: | Fabaceae |
| Genus: | Senegalia |
| Spesie: | S. mellifera |
| Binomiale naam | |
| Senegalia mellifera (Benth.) Seigler & Ebinger, (2010) | |
 | |
| Verspreiding | |
| Sinonieme | |
| |
Die boom se FSA-nommer is 176.
Verspreiding
Die Swarthaak kom in die droë gebiede van Afrika en die Arabiese Skiereiland voor.
Eienskappe
Die Swarthaak kan as 'n meerstammige bos van tot sewe meter hoog met 'n min of meer tregtervormige kroon groei, of as 'n boom met 'n enkele stam wat tot nege meter hoog kan word. Dit kan 'n ondeurdringbare bos vorm. In sommige dele van Afrika word dit as 'n indringer beskou omdat dit landbougrond kan binnedring en oor groot gebiede kan versprei.
Gebruike
In Afrika word die boom vir omheining, veevoer en die bou van hutte gebruik. Dit blomme is 'n bron van nektar vir heuning-produserende bye. Die hout is ook gesog vir brandstof en die maak van houtskool.
Dieregebruike
Die boom is 'n belangrike voedselbron vir beeste en wilde diere, veral in die droë gebiede van Afrika. Die blare en jong takke is besonder voedsaam en bevat 'n hoë persentasie proteïene. Die blomme word dikwels deur koedoes gevreet. Diere soos olifante, swartrenosters, kameelperde en elande vreet graag die blare.
Subspesies
- Senegalia mellifera subsp. detinens (Burch.) Kyal. & Boatwr.
- Senegalia mellifera subsp. mellifera
Sien ook
Verwysings
Bronne
Eksterne skakels
This article uses material from the Wikipedia Afrikaans article Swarthaak, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.