Abbas Maroufi (17 Mei 1957, Teheran - 1 September 2022) was 'n Irannese skrywer, uitgewer en dissident wat met sy roman Samfoni-ye mordegan (Simfonie van die dooies) wat in 1989 verskyn het, en as uitgewer van die kritiese kultuurtydskrif Gardun (Hemelgewelf, Sfeer) bekendheid verwerf het.
Gardun is in 1996 vanweë sy kritiese houding teenoor die regering verban, en Maroufi is tot ses maande tronkstraf en twintig houe met 'n sweep gevonnis, maar kon Iran danksy internasionale politieke druk verlaat om hom met sy gesin in Duitsland te vestig. Sy literêre werke, wat deur 'n gesofistikeerde en afwisselende verteltrant en tydsvlakke gekenmerk word, is in Iran verban. Maroufi het voor sy afsterwe saam met sy vrou Akram Abooee, 'n skilderes, en hul drie dogters in Berlyn gewoon, waar hy die grootste boekwinkel vir Persiese en Oosterse literatuur (Hedayat) in Europa en 'n drukkery en uitgewery bedryf het.
Hy sterf in Berlyn op 1 September 2022.
This article uses material from the Wikipedia Afrikaans article Abbas Maroufi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.