Aambeibossie: Plantspesie
Die aambeibossie (Chironia baccifera) is 'n plant wat aan die wes-, suid en ooskus van Suid-Afrika voorkom.
Dit staan ook bekend as die bitterbossie.
| Aambeibossie | |
|---|---|
 | |
| Aambeibossie met vrugte. | |
| Wetenskaplike klassifikasie | |
| Koninkryk: | |
| Divisie: | |
| Klas: | |
| Orde: | |
| Familie: | |
| Tribus: | Chironieae |
| Genus: | Chironia |
| Spesie: | C. baccifera |
| Binomiale naam | |
| Chironia baccifera L., (1753) | |
Die spesie kom voor in Noord-Kaap, Wes-Kaap en langs die kus van die Oos-Kaap en KwaZulu-Natal en dit is endemies in Suid-Afrika. Die SANBI-rooilys gee dit 'n status veilig (LC).
Dit is 'n vertakte, ronde struikie tot 8 cm hoog. Die plant het klein, dun, donkergroen blaartjies met krom punte. Dit dra massas steragtige blomme van Februarie tot Augustus wat pienk tot purperrooi is met geel harte. Die plant dra ook helderrooi bessies wat gedurende Kerstyd ryp word.
Eienskappe
Die plant verkies om op duine te groei en is uiters giftig vir vee.
Die Khoikhoi het reeds hierdie plant vir sy medisinale eienskappe gewaardeer en die Boere het dit oorgeneem. Dit is veral as purgeermiddel gebruik. Infusies en tinkture is teen talle kwale gebruik, veral teen aambeie, en dit verklaar die Afrikaanse naam. Maar ander siektes is ook daarmee beveg, soos melaatsheid, sifilis en blaasontstekings.
Fotogalery
Verwysings
Bronne
| Wiki Commons bevat media in verband met Chironia baccifera. |
- Gids tot die Kusgebiede van Suid-Afrika. Jacana Media. 2007 ISBN 978-1-77009-215-0
- Plants of the World Online
This article uses material from the Wikipedia Afrikaans article Aambeibossie, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.