2060 Chiron: Asteroïde
2060 Chiron (Engels uitspraak: /ˈkaɪrən/; simbool: ), met die voorlopige naam 1977 UB en ook bekend as 95P/Chiron, is ’n kleinplaneet in die buitenste Sonnestelsel wat tussen Saturnus en Uranus om die Son wentel.
Dit is in 1977 deur Charles Kowal ontdek en was die eerste van ’n nuwe klas voorwerpe wat nou as sentoure bekend is. Hulle is tussen die Asteroïde- en Kuipergordel geleë.
 Chiron in Celestia met ringe. Die oppervlakdetail en vorm is denkbeeldig, omdat dit dalk nie in hidrostatiese ewewig is nie. | |
| Ontdekking | |
|---|---|
| Ontdek deur | Charles Kowal |
| Datum | 1 November 1977 |
| Plek van ontdekking | Palomar-sterrewag |
| Kleinplaneet-benaming | (2060) Chiron 95P/Chiron |
| Alternatiewe name | 1977 UB |
| Kleinplaneet-kategorie | Sentour Komeet |
| Etimologie | ’n Griekse sentour |
| Wentelbaaneienskappe | |
| Epog 4 September 2017 | |
| Afelium | 18,865 AE |
| Perihelium | 8,4311 AE |
| Halwe lengteas | 13,648 AE |
| Wentelperiode | 50,42 jaar (18 417 dae) |
| Gem. omwentelingspoed | 7,75 km/s |
| Gem. anomalie | 153,58° |
| Baanhelling | 6,9497° |
| Lengteligging van stygende nodus | 209,20° |
| Periheliumhoek | 339,68° |
| Minimum baankruisingsafstand: Jupiter | 3,00433 AE |
| Tisserand se parameter | 3,352 |
Fisiese eienskappe | |
| Gem. radius | 107,8±4,95 km (Herschel 2013) 116,7±7,3 km (Spitzer) 135.69 km (LCDB, afgelei) |
| Rotasieperiode | 5,918 uur |
| Skynmagnitude | 18,93 15,6 |
| Absolute magnitude | 5,80±0,27 5,82±0,07 5,9 5,92±0,20 |
| Hoekgrootte | 0,035" (maks.) |
.svg){kind=small}
Beskrywing
Hoewel dit aanvanklik ’n asteroïde genoem is en later net as ’n kleinplaneet met die naam "2060 Chiron" geklassifiseer is, is eindelik ontdek dit toon eienskappe wat tipies van ’n komeet is. Vandag word dit as beide ’n kleinplaneet en ’n komeet geklassifiseer en het dit daarom ook die komeetnaam "95P/Chiron".
Chiron is genoem na die sentour Chiron in die Griekse mitologie. Michael Brown lys dit as ’n moontlike dwergplaneet. Dit het ’n gemete deursnee van 206 km, wat naby die laer perk is van ’n ysagtige dwergplaneet (sowat 200 km).
Chiron is op 1 November 1977 deur Charles Kowal ontdek op foto's wat op 18 Oktober by die Palomar-sterrewag geneem is. Dit het die voorlopige naam 1977 UB gekry. Dit is ontdek toe dit naby sy afelium was en was toe die verste bekende kleinplaneet. (Pluto, wat nou ’n dwergplaneet en dus ook ’n kleinplaneet is, is toe nog as ’n planeet beskou.)
Chiron se wentelbaan is hoogs eksentriek (0,37), met ’n perihelium net binne die wentelbaan van Saturnus en ’n afelium net buite die perihelium van Uranus.
Verwysings
Eksterne skakels
- 2060 Chiron by die JPL Small-Body Database
- 95P/Chiron by Cometography
- "A single clone run of centaur 2060 Chiron showing how Chiron may someday become an active comet" (Solex 10)
Hierdie artikel is vertaal uit die Engelse Wiki
This article uses material from the Wikipedia Afrikaans article 2060 Chiron, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.