11De Eeu V.c.: Eeu

Hoewel baie menslike beskawings in dié tyd geletterd was, kan baie van die mense hieronder beskou word as legendaries eerder as histories.

 

• 1089 v.C.: Melanthos, legendariese koning van Athene, sterf ná ’n bewind van 37 jaar en word opgevolg deur sy seun, Kodros.
• 1069 v.C.: Ramses XI sterf en dit lui die einde van die 20ste Dinastie van Antieke Egipte in. Hy word opgevolg deur Smendes I, stigter van die 21ste Dinastie.
• 1068 v.C.: Kodros, koning van Athene, kom om in ’n veldslag teen Doriese invallers ná ’n bewind van 21 jaar.
• 1050 v.C.: Filistyne neem die Ark van die Verbond van Israel af (benaderde datum).
• 1048 v.C.: Medon, Koning van Athene, sterf ná ’n bewind van 20 jaar en word deur sy seun Acastus opgevolg.
• 1046 v.C.: Koning Zhou Wuwang werp die bewind van die laaste koning van die Shang-dinastie omver en word die eerste koning van die Zhou-dinastie in China. (1046 v.C.—256 v.C.)
• 1044 v.C.: Met die dood van Smendes I, farao van Antieke Egipte, word hy deur twee medeheersers, Psoesennes I en Amenemnisoe, opgevolg.
• 1042 v.C.: Koning Cheng van Zhou volg koning Wu op as heerser van die Zhou-dinastie in China.
• 1039 v.C.: Amenemnisoe, koning van Egipte, sterf.
• Omstreeks 1020 v.C.: Die verwoesting van Troje VIIb₂.
• 1026 v.C.: Saul word koning van die Israeliete, volgens Samuel.
• 1012 v.C.: Acastus, koning van Athene, sterf ná ’n bewind van 36 jaar en word opgevolg deur sy seun Archippus.
• 1003 v.C.: Dawid volg vermoedelik vir Saul op.
• 1000's v.C.: Vroegste bewyse van landbou in die hooglande van Kenia.
• 1000's v.C.: Die Fenisiese alfabet word ontwerp.