(471325) 2011 KT19 (met die bynaam Niku) is ’n Trans-Neptunus-voorwerp in ’n wentelbaan om die Son met ’n ongewone helling van 110 grade in ’n retrograde rigting.
Hierdie artikel is 'n weesbladsy. Dit is nie geskakel of in ander bladsye ingesluit nie. Help Wikipedia deur na moontlike teks te soek en 'n skakel hierheen te plaas. |
Ontdekking | |
---|---|
Datum | 31 Mei 2011; herontdek 2015 deur Pan-STARRS |
Kleinplaneet-kategorie | Trans-Neptunus-voorwerp |
Etimologie | ’n Chinese byvoeglike naamwoord wat "rebels" beteken |
Wentelbaaneienskappe | |
Afelium | 47,427 AE |
Perihelium | 23,7805 AE |
Halwe lengteas | 35,604 AE |
Wentelperiode | 212,45 jaar |
Gem. anomalie | 29,487° |
Baanhelling | 110,1537° |
Lengteligging van stygende nodus | 243,77772° |
Periheliumhoek | 322,174° |
Fisiese eienskappe | |
Afmetings | 60-190 km 75-250 km |
Skynmagnitude | ~22 (2016) |
Absolute magnitude | 7,8 7.2 |
Die voorwerp is in 2015 ontdek en die ontdekking is in Augustus 2016 aangekondig deur ’n span sterrekundiges wat die Pan-STARRS-teleskoop gebruik het. Dit is gou verbind met ’n veronderstelde prograde sentour, 2011 KT19, wat verlore gegaan het. (471325) 2011 KT19 is deel van ’n groep voorwerpe wat in ’n hoogs ongewone wentelbaan om die Son beweeg. Die rede vir hierdie ongewone wentelbane was in Augustus 2016 nog onbekend.
Die wentelbaaneienskappe van 2011 KT19 is vergelyk met dié van 2008 KV42 (ook bekend as Drac). Dit lyk of hul wentelbane en dié van vier ander voorwerpe op dieselfde vlak voorkom, met drie in prograde en drie in retrograde bane. Die moontlikheid dat hierdie ooreenkoms toevallig is, is 0,016%. Hierdie wentelbane behoort oor ’n paar miljoen jaar uit dié gedeelde vlak te beweeg, aangesien die presessie van prograde en retrograde wentelbane in teenoorgestelde rigtings geskied. Geen simulasies, ook dié wat die hipotetiese Planeet Nege insluit, kon hierdie oplyning oplewer nie.
This article uses material from the Wikipedia Afrikaans article (471325) 2011 KT19, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.