Tutlayt Taɛṛabt

Taɛṛabt العربية Alɛarabya ittyuran s ugmmay aɛṛab. Tamazirt Timizar n iɛṛabn Adɣar Timizar n MENA Uṭṭun n imsiwln • Tantaliwin akk: 310 id mlyun Ism n imsiwln Iɛrabn, imslɛṛabn Umlan Tunṣibt 27 tmazirt Addag Tafrusyawit   • Tasamit     • Tasamit n tuẓẓumt       • Taɛṛabt n ugafa         • Taɛṛabt Agmmay Aɛṛab Isngal ISO 639-1 ar ISO 639-2 ara ISO 639-3 ara Glottolog arab1395 S uzgzaw, idɣarn nna ɣ ttuysawal tutlayt taɛrabt

Taɛṛabt nɣ Tasrɣint (s tεrabt : الْعَرَبيّة, al εarabiyya nɣ d عَرَبيْ, εarabī, s tamaziɣt n zikk : Tasrɣint) tga tutlayt nna s sawaln iεrabn, tga yat tutlayt tafrusyawit. Tkka d tεṛabt tutlayin tisamiyin zun d ukan Taεibrit nɣ Tafiniqt n zik, nttat ad igan tamzwarut gisnt ɣ wuṭṭun n imssiwln, Ar ttinin mas d illa ḥaqqan gr 315 mlyun d 375 mlyun n mddn.

Tucka d tutlayt Taɛṛabt zɣ Tazungzirt Taɛṛabt. Ɣ tasut tiss 7 tga d Taɛṛabt tutlayt n Lqqʷran n Lislam.

Tga Taεṛabt tutlayt tamaddudt ɣ 27 n tmizar, tg tutlayt tanamurt ɣ Mali, Sinigal, d Sumal. Tutlayt Taεṛabt da tettyura s ugmmay aεrab, tirra nns gis 28 iskkiln ittyaran zɣ ufasi s azlmaḍ. Tṭṭf kigan n tantalyin, mqqar d kkant tantaliyin ad tutlayt taεṛabt ur ar bahra ttmyarmasn imslɛṛabn ingratsn, amdya: taεṛabt talubnanit ur iẓḍar ad irms taεṛabt tamɣribiyt.

Nẓḍaṛ ad nbḍu gr snat tmdyazi: tamdyazt n dffir Lislam, d tmdyazt n dat Lislam, ar as qqarn s tεṛabt "tajahilit".

Taɛṛabt tafuṣḥit tga tutlayt tunṣibt ɣ 25 tmizar, aya ad tt yujjan ad tg tutlayt tiss kraḍt dffir tafransist d tanglizt

• Tmizar n iɛrabn : Saɛudya, Baḥrayn, Juzur n Lqumur, Djibuti, Timizar iɛrabn imunn, ɛiraq, Urdun, Kuwit, Lubnan, Ɛuman, Filiṣṭin, Qatar, Somalya, Sudan, Surya, Lyaman ;
• Tmizar n tfriqt n ugafa : Dzayr, Miṣra, Lmɣrib, Muritanya, Tuns, Libya ;
• Tmizar yaḍn zun d Irytri, Tcad ;

Tutlayt tunṣibt n tmazirt n Malṭa, tutlayt tamalṭit, tga yat zɣ tantliwin n tutlayt taɛrabt.

 

Taɛṛabt tga tutlayt tasamit. Ur ar tettuysawal Tɛrabt tafusḥit am tutlayt takuyasst maccan llan sul ilsawn n taɛrabt ɣ timizar n ugmuḍ anammas n tafriqt n ugafa.