ᱢᱟᱞᱮᱥᱤᱭᱟ

ᱱᱟᱜᱟᱢ

ᱢᱟᱞᱮᱥᱤᱭᱟ ᱫᱚ ᱪᱤᱱ ᱟᱨ ᱥᱤᱧᱚᱛ ᱛᱟᱞᱟ ᱨᱮ ᱟᱹᱰᱤ ᱥᱮᱫᱟᱭ ᱠᱷᱚᱱ ᱵᱮᱯᱟᱨ ᱨᱮᱱᱟᱜ ᱛᱟᱞᱢᱟ ᱛᱟᱦᱮᱸᱠᱟᱱᱟ ᱾ ᱡᱚᱠᱷᱚᱱ ᱤᱣᱨᱳᱯᱤᱭᱟᱹ ᱦᱚᱲ ᱱᱚᱸᱰᱮ ᱠᱚ ᱦᱮᱡ ᱮᱱᱟ, ᱩᱱᱡᱚᱠᱷᱟᱜ ᱢᱚᱠᱠᱟ ᱫᱚ ᱢᱤᱫ ᱞᱟᱹᱠᱴᱤᱭᱟᱱᱟᱜ ᱵᱮᱯᱟᱨ ᱜᱟᱲ ᱞᱮᱠᱟᱛᱮ ᱠᱚ ᱵᱮᱨᱮᱫ ᱠᱮᱫᱼᱟ ᱾ ᱢᱟᱞᱮᱥᱤᱭᱟ ᱨᱮᱱᱟᱜ ᱠᱞᱟᱞᱟᱱᱛᱟᱨ ᱨᱮ ᱵᱨᱤᱴᱤᱥ ᱥᱟᱢᱨᱟᱡᱽ ᱨᱮᱱᱟᱜ ᱢᱤᱫ ᱵᱮᱱᱮᱯᱟᱨ ᱵᱮᱱᱣᱮᱱᱟ ᱾ ᱱᱚᱶᱟ ᱨᱮᱱᱟᱜ ᱰᱷᱤᱯ ᱯᱟᱦᱴᱟ ᱓᱑ ᱚᱜᱚᱥᱴ ᱑᱙᱕᱗ ᱨᱮ ᱯᱷᱮᱰᱮᱨᱮᱥᱚᱱ ᱢᱟᱞᱟᱭᱟ ᱨᱩᱯ ᱛᱮ ᱵᱷᱮᱜᱟᱨ ᱞᱮᱱᱟ ᱾ ᱑᱙᱖᱓ ᱨᱮ ᱢᱟᱞᱟᱭᱟ, ᱥᱤᱝᱜᱟᱯᱩᱨ ᱟᱨ ᱵᱩᱨᱱᱮᱭ ᱦᱟᱹᱴᱤᱧ ᱢᱮᱥᱟ ᱠᱟᱛᱮ ᱢᱟᱞᱮᱥᱤᱭᱟ ᱵᱮᱱᱟᱣᱮᱱᱟ ᱾ ᱑᱙᱖᱕ ᱨᱮ ᱥᱤᱝᱜᱟᱯᱩᱨ ᱵᱷᱮᱜᱟᱨ ᱠᱟᱛᱮ ᱟᱡᱟᱜ ᱵᱷᱮᱜᱟᱨ ᱫᱤᱥᱚᱢ ᱮ ᱵᱮᱱᱟᱣ ᱠᱮᱫᱼᱟ ᱾

ᱫᱷᱚᱨᱚᱢ

ᱢᱟᱞᱮᱥᱤᱭᱟ ᱫᱚ ᱢᱤᱫ ᱥᱟᱝᱜᱮ ᱫᱷᱚᱨᱚᱢ ᱥᱚᱢᱟᱡᱽ ᱫᱤᱥᱚᱢ ᱠᱟᱱᱟ ᱾ ᱱᱚᱸᱰᱮᱱᱟᱜ ᱧᱩᱢᱟᱱ ᱫᱷᱚᱨᱚᱢ ᱫᱚ ᱤᱥᱞᱟᱢ ᱠᱟᱱᱟ ᱾ ᱒᱐᱑᱐ ᱨᱮ ᱥᱚᱨᱠᱟᱨᱟᱜ ᱦᱚᱲᱞᱮᱠᱷᱟ ᱨᱮᱱᱟᱜ ᱦᱤᱥᱹᱵᱽ ᱞᱮᱠᱟᱛᱮ ᱢᱩᱥᱞᱤᱢ (᱖᱑ᱹ᱓%), ᱵᱚᱣᱫᱷ (᱑᱙ᱹ᱘%), ᱤᱥᱟᱭ (᱙ᱹ᱒%), ᱦᱤᱱᱫᱩ (᱖ᱹ᱓%) ᱟᱨ ᱠᱚᱱᱯᱭᱩᱥᱤᱵᱟᱫᱽ, ᱛᱟᱣ ᱫᱦᱚᱨᱚᱢ ᱟᱨ ᱮᱴᱟᱜ ᱪᱟᱭᱱᱟ ᱫᱷᱚᱨᱚᱢ (᱑ᱹ᱓%) ᱮᱢᱟᱱ ᱢᱮᱱᱟᱜ ᱠᱚᱣᱟ ᱾

ᱞᱟᱠᱪᱟᱨ

ᱢᱟᱞᱮᱥᱤᱭᱟ ᱫᱚ ᱢᱤᱫ ᱥᱟᱝᱜᱮ ᱡᱟᱹᱛᱤᱭᱟᱹ, ᱥᱟᱝᱜᱮ ᱞᱟᱠᱪᱟᱨ ᱟᱨ ᱥᱟᱝᱜᱮ ᱯᱟᱹᱨᱥᱤ ᱨᱮᱱᱟᱜ ᱢᱤᱫ ᱥᱟᱶᱛᱟ ᱠᱟᱱᱟ, ᱡᱟᱦᱟᱸ ᱨᱮ ᱢᱟᱞᱚᱭ ᱟᱨ ᱮᱴᱟᱜ ᱟᱹᱫᱤᱵᱟᱹᱥᱤ ᱖᱕%, ᱪᱟᱭᱱᱟ ᱦᱚᱲ ᱒᱕% ᱟᱨ ᱗% ᱥᱤᱧᱚᱛᱤᱭᱟᱹ ᱥᱮᱞᱮᱫ ᱢᱮᱱᱟᱜ ᱠᱚᱣᱟ ᱾ ᱫᱤᱥᱚᱢ ᱨᱤᱱ ᱥᱟᱝᱜᱮ ᱮᱞᱮᱞ ᱞᱮᱠᱟᱛᱮ ᱵᱟᱹᱲᱛᱤᱜᱟᱱ ᱢᱟᱞᱚᱭ ᱦᱚᱲ ᱰᱚ ᱢᱩᱥᱞᱤᱢ ᱠᱟᱱᱟ ᱠᱚ, ᱪᱮᱫᱟᱜ ᱥᱮ ᱢᱟᱞᱮᱥᱤᱭᱟ ᱨᱮᱱᱟᱜ ᱠᱟᱹᱱᱩᱱ ᱞᱮᱠᱟᱛᱮ ᱢᱟᱞᱚᱭ ᱦᱩᱭᱩᱜ ᱞᱟᱹᱜᱤᱫ ᱢᱩᱥᱞᱤᱢ ᱫᱷᱚᱨᱚᱢ ᱦᱟᱛᱟᱣ ᱫᱚ ᱡᱟᱹᱨᱩᱲ ᱜᱮᱭᱟ ᱾ ᱢᱟᱞᱚᱭ ᱨᱟᱡᱽᱟᱹᱨᱤ ᱛᱷᱚᱠ ᱨᱮ ᱢᱟᱨᱟᱝ ᱡᱩᱲᱩ ᱠᱚ ᱧᱟᱢᱟ ᱟᱨ ᱚᱸᱰᱮᱱ ᱠᱚ ᱵᱩᱱᱤᱭᱟᱹᱫᱽ ᱢᱮᱱᱛᱮ ᱩᱯᱨᱩᱢ ᱠᱚ ᱧᱟᱢᱟ ᱾ ᱩᱱᱠᱩᱣᱟᱜ ᱢᱩᱬ ᱯᱟᱹᱨᱥᱤ ᱫᱚ ᱦᱩᱭᱩᱜ ᱠᱟᱱᱟ ᱢᱟᱞᱚᱭ (Bahasa Melayu) ᱾

ᱥᱟᱹᱠᱷᱭᱟᱹᱛ

ᱵᱟᱨᱦᱮ ᱡᱚᱱᱚᱲ

ᱢᱟᱞᱮᱥᱤᱭᱟ ᱥᱚᱨᱠᱟᱨ ᱯᱚᱨᱴᱟᱞ Archived ᱒᱐᱐᱘-᱐᱘-᱒᱗ at the Wayback Machine.
ᱢᱟᱞᱮᱥᱤᱭᱟ ᱱᱚᱠᱥᱟ
ᱢᱟᱞᱮᱥᱤᱭᱟ ᱦᱚᱨ ᱩᱫᱩᱜᱤᱡ

This article uses material from the Wikipedia ᱥᱟᱱᱛᱟᱲᱤ article ᱢᱟᱞᱮᱥᱤᱭᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.