N є чотырнадцята буква базового латинського алфавіту.
Гад, єден из майросшыреных еґіпетськых єроґліфув, хосновав ся про запис звука, подобного русинському дж, бо по еґіпетськы гад быв djet. Є теорія, ож Семіты, котрі робили в Еґіптї, припаровали єроґліфы про вытвореня перьвого алфавіту и взяли иппен сесь сімбол про звук н, бо з сёго звука ся зачинало їх слово гад. Педиґ по фінікійськы, гебрейськы, арамейськы и арабськы йся буква ся называт нун, што в дакотрых из сих языкув значит рыба. У переятум з фінікійського ґрецькум алфавітї буква была переименована в ню и достала свою теперїшню форму. Пак дас у 7. сторочу сперед Руздва Христового трафила до давнолатинського алфавіту.
| |||||||
Єроґліф гад | Прасемітськоє N | Фінікійськоє Нун | Ґрецькоє Ню | Етруськоє N | Латинськоє N |
N хоснуют про запис зубного ци переднёяснового носового согласного скоро у вшыткых языках, што мают латинськый алфавіт, а щи в Межинароднум фонетічнум алфавітї. З буквов n ся часто стрічає ай діґраф ng, котрый у дакотрых языках (у анґліцькум, нїмецькум, фінськум, індонезькум ай ин.) означає заднёпуднебный носовый согласный. N часто самоє означат заднёпуднебный носовый, кідь стоїт перед заднёпуднебными выбуховыми согласными (як приміром к ци ґ). Суть ай инші діґрафы, приміром, про запис переднёпуднебного носового согласного ся хоснуют діґрафы gn (французькый и таліанськый языкы) и nh (портуґалськый и вєтнамськый языкы).
Морзув алфавіт | Сіґналный прапор | Семафорный алфавіт | Брайлово писмо |
Тоты даны суть часточно або цалком основаны на перекладї статї N на анґліцькій Вікіпедії.
This article uses material from the Wikipedia Русиньскый article N (латиніка), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.