مالزی
شمالی′۰۸°۳ / ۱۰۱٫۷غرب ۳٫۱۳۳جنوب / −۱۰۱٫۷;−۳٫۱۳۳
مالزی اتا آسیایی کشور هسته که آسیایِ جنوب شرقی دَره. مالزی ِنیشتنگا (=پایتخت) نوم کوالالامپور هسته ولی دولتی سازمان‌ها و وزارت‌خِنه‌ئون پوتراجایا (اداری نیشتنگا) دله دَرنه. مالزی اتا مشترک‌المنافع کشور هسته. این فدراسیون سیزّه‌تا ایالت دانّه.
مالزی ِفدراسیون مالزی | ||||||
|---|---|---|---|---|---|---|
| ||||||
| ملی شعار: نیرومندی اتحاد شِنه | ||||||
| ملی سرود: مه کشور | ||||||
 | ||||||
| نیشتنگا (و گتترین شهر) | کوالالامپور شرقی′۴۲°۱۰۱ شمالی′۰۸°۳ / ۱۰۱٫۷غرب ۳٫۱۳۳جنوب | |||||
| رسمی زوون | مالایی | |||||
| حکومت ِنوع | مشروطه سلطنت | |||||
| حاکمون نوع • سلطون • نخست وزیر | عبدالحلیم معظم شاه نجیب تون رزاق (BN) | |||||
| گتی | ||||||
| - | گتی | ۳۲۹٫۷۵۸کیلومتر مربع (۶۶) | ||||
| - | ئو (٪) | ۰٬۳ | ||||
| جمعیت | ||||||
| - | سرشماری | ۳۰٬۴۴۸٬۶۰۰ نفر (۴۰) | ||||
| - | جمعیت انبسی | ۸۳/km۲ (۱۱۰) | ||||
| پول یکا | رینگیت | |||||
| زمونی منطقه | (جهونی ساعت+۸) | |||||
| - | تابستونی (DST) | +۸ (جهونی ساعت) | ||||
| اینترنتی دامنه | .my | |||||
| تلفن پیش‌شماره | +۶۰ | |||||
«مالزی» نوم زمونی انتخاب بیّه که اتا فدراسیون مالایا، سنگاپور، صباح و ساراواک جه بساته بیّه که ۱۴ ایالت داشته. سال ۱۹۶۵ سنگاپور مالزی جه سِوا بیه و اتا مستقل کشور بگردسته.
مالزی دِتا جوغرافیایی ناحیه دانّه که چین جنوبی دریا وشون ره سِوا کانده. اصلی سرزمین تایلند جه سامون دانّه و اتا جاده جه سنگاپور ره وصل وانه و غربی مناطق هسته ولی مالزی ِشرق بورنئویِ جزیره دله دره و اندونزی جه هم‌سامون هسته.
مردمون
مالزی دله سه نژاد مالایی (۶۰٪)، چینی (۲۷٪) و هندی (۱۲٪) درنه و ۱٪ باقی ِنژادون جه هستنه. با اینکه مالزی دله خله اقوام و ادیان دَرنه ولی خله کم وشون میون جنگ و درگیری وانه و اتا آروم ِکشور هسته.
اسلام این کشور ِرسمی دین هسته و شاه این دین ِپه‌روو هسته. این کشور دله دین ِآزادی قانون دله تضمین بیّه ولی عملاً بعضی گادِر این مسئله ره عمل نَکانّه و مسلمون‌ها بعضی مسائل سَره شه احکام ره جا اینگِنّه.
۶۰٪ مردمون مالزی دله اسلام په‌روو هستنه که اکثراً اهل تسنن هستنه و شافعی مذهب ره دارنه.
این کشور دله هشت-دَه تا زوون جه گپ بَزه وانه ولی مالایی و برونئیایی و اسلیانی ویشته گنش‌کر دارنه. انگلیسی هم هَنتا مالزی دله مرسوم هسته و رسمی زوونون جه هسته.
مالزی ِایالات دِ دسته غربی و شرقی جه رَسِد وانّه. جمعیت انبسی غربی مناطق دله خله ویشته هسته. اتی که ساراواک که گتترین ایالت هسته، کم‌ترین انبسی ره دارنه. مالایی جزیره‌مونا (غربی منطقه) جمعیت سال 2010 میلادی 20 میلیون نفر بی‌یه ولی همین سال شرقی قسمت دله 7 میلیون آدم دَینه.
سیاست
مالزی دله چندین ایالت درنه که هرکمین شه وسّه اتا سلطون دارنه که نسل-به-نسل وشون خاندان حکومت کنّه. این شاهون زمونی که بریتانیا مالزی ره مستعمره داشته جه بموندستنه و زمونی که مالزی مستقل کشور بیّه، وشون قانون بی‌یشتنه که هر سلطونی شه ایالت ره دگاردنه و هر پنج سال مالزی ِکلّی سلطنت هم گردشی وشون نوبت بوو ولی سلطون دکّل قدرت و اختیاراتی ندارنه و کشور مِیلِس جه اداره وونه.
تقسیمات
مالزی ۱۳ ایالت دانه و هر ایالت دله اتا «شاه» حکومت کانده.
.png)
تنگه
منابع
| ویکی تلمبار دله بتونّی پرونده‌ئونی که مالزی خَوری دَره ره پیدا هاکنین. |
This article uses material from the Wikipedia مَزِروني article مالزی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). محتوا جه تحت CC BY-SA 4.0 دسترسی دارنی، مگر اینکه خلافش ثابت بَواشه. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki مَزِروني (DUHOCTRUNGQUOC.VN) is an independent company and has no affiliation with Wiki Foundation.