9°E / 34°N 9°E / 34; 9
Ti Tunisia, opisial a ti Republika ti Tunisia, ket ti akin-amianan unay a pagilian iti Aprika. Daytoy ket parte ti rehion ti Maghreb iti Amianan nga Aprika, ken beddengan babaen tiu Arhelia iti laud ken abagatan a laud, Libya iti abagatan a daya, ken ti Baybay Mediteraneo itiamianan ken daya; sakupenna ti 163,610 km2 (63,170 sq mi), ken agraman ti populasion iti 11 a riwriw. Daytoy ket aglaon iti akindaya a patingga ti Banbantay Atlas ken dagiti akin-amianan a sakup ti desierto Sahara, ken dagiti nabati pay a teritoriona ket iti maarab a daga. Ti pantarna iti 1,300 km (810 mi) ken mangiraman ti pagtumpongan dagiti akinlaud ken akindaya a parte ti Labneng Mediteraneo. Ti Tunisia ket ayan ti akin-amianan unay a punto ti Aprika, ti Rawis Angela; ken ti kapitolio ken kadakkelan a siudadna ket ti Tunis, ken mabirukan daytoy iti amianan akindaya a partar, ken nakaalaan daytoy ti nagan ti pagilian.
Republika ti Tunisia | |
---|---|
Napili a pagsasao: حرية، كرامة، عدالة، نظام "Ḥurrīyah, Karāma, 'Adālah, Niẓām" "wayawaya, dignidad, hustisia, ken urnos" | |
Nailian a kanta: حماة الحمى "Humat al-Hima" (Ilokano: "Dagiti Mangisalsalakan iti Nakayanakan a Daga") | |
Kapitolio ken kadakkelan a siudad | Tunis 36°49′N 10°11′E / 36.817°N 10.183°E |
Opisial a sasao | Arabiko |
Dagiti naisasao a pagsasao |
|
Grupgrupo ti etniko | Arabo-Bereberes 98%, Europeano 1%, Hudio ken dadduma 1% |
Relihion | Islam (opisial) |
Nagan dagiti umili | Tunisiano |
Gobierno | Unitario a semi-presidensial a batay-linteg a republika |
• Presidente | Kais Saied |
• Kangrunaan a Ministro | Ahmed Hachani |
• Tagabitla ti Asemblia | Rached Ghannouchi |
Lehislatura | Asemblia dagiti Pannakabagi ti Tattao |
Pannakabangon | |
• Naiyussuat ti Taga-ugma a Kartahe | 814 BC |
• Naiyussuat ti Aghlabids | 800 |
• Naiyussuat ti Kalipato ti Fatimid | 909 |
• Naiyussuat ti Dinastia ti Hafsid | 1207 |
• Naiyussuat ti Dinastia ti Husainid | 15 Hulio 1705 |
• Wayawaya manipud iti Pransia | 20 Marso 1956 |
• Nairangarang ti Republika | 25 Hulio 1957 |
• Kudeta ti Tunisia idi 1987 | 7 Nobiembre 1987 |
• Aldaw ti Rebolusion | 14 Enero 2011 |
• Nairangarang ti maika-2 a republika | 10 Pebrero 2014 |
Kalawa | |
• Dagup | 163,610 km2 (63,170 sq mi) (Maika-91) |
• Danum (%) | 5.04 |
Populasion | |
• Karkulo idi 2020 | 11,708,370 (Maika-81) |
• Densidad | 71.65/km2 (185.6/sq mi) (Maika-110) |
GDP (PPP) | Karkulo idi 2020 |
• Dagup | $159.707-bilion |
• Tunggal maysa a tao | $13,417 |
GDP (nominal) | Karkulo idi 2020 |
• Dagup | $44.192-bilion |
• Tunggal maysa a tao | $3,713 |
Gini (2017) | 35.8 kalalainganna |
HDI (2019) | 0.740 nangato · Maika-95 |
Kuarta | Dinar ti Tunisia (TND) |
Sona ti oras | UTC+1 (CET) |
Pagmanehuan | kanawan |
Kodigo ti panagtawag | +216 |
Kodigo ti ISO 3166 | TN |
TLD ti internet |
|
Manipud idi nasapa nga ugma, tinagtagitao idi ti Tunisia babaen dagiti indihenio a Bereberes. Nangrugrugi a simmangpet dagidi Penisio idi maika-12 a siglo BC, ken nangipatakderda kadagiti nadumaduma a pagtaengan, ken ti rimmuaran ti Kartahe a kas ti kabilegan babaen idi maika-7 a siglo BC. Ti maysa a nangruna nga agtagtagilako nga imperio ken ti maysa karibel iti militar ti Republika a Romano, inabak idi ti Kartahe babaen dagidi Romano idi 146 BC, ken isuda ti nagsakup ti Tunisia para kadagiti kaaduan a sumaruno a 800 a tawen, ken nangipaammoda iti Kristianidad ken nangibati kadagiti maipapan iti arkitektura a legado a kas ti ampiteatro ti El Jem. Kalpasan dagiti panangipadas a nangrugi idi 647, pinarukma dagiti Muslim iti amin a Tunisia babaen idi 697, ken nangiyegda iti Islam ken kultura nga Arabo kadagiti lokal nga agtataeng. Nangitakder ti panagtengngel ti Imperio nga Otomano idi 1574 ken nagturay kadagiti sumurok a 300 a tawen, aginggana iti panagrukma ti Pranses iti Tunisia idi 1881. Nakagun-od ti wayawaya ti Tunisia babaen ti panangidaulo ni Habib Bourguiba, nga isu ti nangirangarang iti Republika ti Tunisia idi 1957. Ita nga aldaw, ti Tunisia ti kabassitan a pagilian iti Amianan nga Aprika, ken ti kultura ken identidadna ken nairamut iti napaut a panagtutumpong dagiti nadumaduma a kultura ken etnisidad iti daytoy a siglo.
Idi 2011, ti Rebolusion ti Tunisia, a kinalbit babaen ti kaawan ti wayawaya ken demokrasia babaen dagiti 24 a tawen a turay ni presidente Zine El Abidine Ben Ali, ket nangparmek ti turayna ken nangikatalisado iti dakdakkel a Primabera nga Arabo iti amin a ballasiw ti rehion. Dagiti nawaya nga adu ti partidona a parlamento a panagbubutos ket nabiit a natengel kalpasan dayta; nagbutos manen ti pagilian iti parlamento idi 26 Oktubre 2014, ken para iti presidente idi 23 Nobiembre 2014. Agtultuloy ti Tunisia a kas maysa a unitario a semi-presidensial a representatibo a demokratiko a republika; ken ti kaikaisuna a pagilian iti Amianna nga Aprika a naidasig a kas "Nawaya" babaen ti Freedom House, ken naikeddeng a ti kaikaisuna a napno a demokratiko nga estado iti Lubong nga Arabo babaen ti Indeks ti Demokrasia ti Economist Intelligence Unit. Daytoy ket maysa kadagiti bassit-usit a pagilian iti Aprika a nairanggo iti nagato iti Pagsurotan ti Panagrang-ay ti Nagtagitaoan, nga agraman iti maysa kadagiti kangatuan ti matgedan iti tunggal maysa a tao iti kontinente.
Dagiti midia a mainaig iti Tunisia iti Wiki Commons
Pakaammo ti panagbiahe idiay Tunisia manipud iti Wikivoyage (iti Ingles)
This article uses material from the Wikipedia Ilokano article Tunisia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.