दर्शन

मानव सभ्याताको विकासक्रमै बठेइ शुरूवात भयाऽ दर्शन आज विकसित अवस्था मी पुग्याऽ हो। मानव विकासका क्रम मी जो जसा वातावरण मी रनोइ आयो उसै वातावरणलाई पहिचाल अद्द्या रे समायोजन अद्द्या प्रयत्न अर्‍यो। समाज मी भयाऽ विभिन्न वस्तु, व्रह्माण्डको काँ बठेइ शुरू होइबर काँ जाई अन्त हुन्छ? समाज गतिशील क्याइ बन्यो? गतिशीलताका कारण कि क्या हुन? व्रह्माण्ड, सत्य, खोज, मान्सु, आत्मा (सोसा), चेतना, विश्वास, संस्कृति, म आदि विभिन्न विषयको शुरुवात रे अन्य कि हो? जसा प्रश्नअनको उत्तर खोज्ज्या क्रम मी दर्शनको शुरुवात भयाऽ पाइन्छ। दर्शनको उत्पत्ति मानवजगत, विचार, वातावरण, जिज्ञासा, कौतुहलता, सन्देह, आश्चर्य, दु:ख जसा कारण बठेइ भयाऽ माणीन्छ। येइ को उत्पत्ति काल येइ को भणीबर तोकीबर भण्ण नाइ सकिनो तर मानव विचार को उत्पति सङ्ङै दर्शनको शुरुवात भयाऽ हो भण्ण सकीन्छ।