Алитургиатә Текстқәа

ҳшьацәхнысларақәа ҳанаужьырц ҳуҳәо, Қьырса ҳ-Анцәа;

ҳшьацәхнысларақәа ҳанаужьырц ҳуҳәо, Қьырса ҳ-Анцәа; /

избанзар хатәгәаԥхарала иуҭаххеит [цәеижьла] Аџьар ахь ахалара, /

Иушаз [ауаа], аӷа [аҩсҭаа] импыҵахалаз, рхы рақәиҭтәразы. /

Убри азы џьшьяара уҭо,

Узҿаҳҭуеит: /

«Гәырӷьарыла зегь урҭәит, /

аԥсабара [зегь] еиқәзырхарц иааз ҳ-А́иқәырхаҩ!»

Аџьшьараиаша амҽыша ақада́қь, зхатә ҳәашьа змоу, 4-тәи абжьы

Нҵашьа змам Аб [Анцәа] Иажәа [Иаса] /

Ижьраан, Нцәадзыхшаз, Быҟнытә ианҵан, /

ирхәынгаз аҭе́иҭыԥшгьы аханатә ишыҟаз еиҭашьақәыргыланы, /

Инцәатәу аԥшӡара иа́лаиӡҩеит. /

Аха [ҳаргьы], ҳаиқәырхара [шыҟало] агәра го, /

усла, ажәа́ла Иара [Иаса] дааҳарԥшуеит.

Ажәытәӡатәи аеллин бызшәахьтә аиҭага : архимандрит Дараҭ (Дбар)

Аредактор : Тамила Аршба.

Ауаҩиаша дыргәалашәоит ибзарӡы ҳәо, /

уа уакәзар, [Қьырса] Иаԥхьагыла, /

ҳ-Аҳ Ду и́шаҳаҭра ада уҭахӡам: /

аиашазы уцәырҵит /

аԥаимбарцәа ирылкаау уакәны , /

избанзар иуаҭәашьахеит /

Зыхьӡ [ажәлар] ирылаҳәаз [Иаса] /

аӡырҩаш аҟны аӡы иӡаахра. /

Уи азоуп аҵа́быргазы агәаҟра ухганы, /

Анцәа, цәеижьла Ицәырҵыз, /

аԥсабара агәнаҳа иаҵалаз, /

арыцҳашьара дугьы ҳаназшьаз /

Ихьӡ гәырӷьаҿҳәашаны /

быжьра-быжьҵәа инанагаз ирылазҳәаз.

Ажәытәӡатәи аеллин бызшәахьтә аиҭага : архимандрит Дараҭ (Дбар)

Аредактор : Тамила Аршба.

Қьырса Ихалара. Мықәтәи Аевангелион аҟнынтә аминиатиура. 1300 ш. (асахь.)

Қьырса Ихалара аушьҭыгатә ҭраԥа́р, 4-тәи абжьы

Хьӡы-ԥшала [жәҩан ахь] Ухалеит, /

Қьырса ҳ-Анцәа, /

Уҵаҩцәа ргәырӷьаны /

Аԥсы Цқьа дшааушьҭуа раҳәаны, /

қәныҳәаралагьы /

Анцәа шуакәҵәҟьоу шьақәырӷәӷәо, /

[Уара], аԥсабара Аҿыхыҩ.

Қьырса Ихалара ақада́қь, зхатә ҳәашьа змоу, 6-тәи абжьы

Ҳ а ҳзы Угәы иҭаз нагӡаны, /

адгьыл аҿгьы иҟоу ижәҩантәқәоу инарымаданы, /

хьӡы-ԥшала [жәҩан ахь] Ухалеит, Қьырса ҳ-Анцәа, /

ҳауҟәумган, аха Уҳацры́мшәо Уҳа́цыҟаз, /

Узҭахугьы рықәҿыҭуа: /

«Са сшәыцуп, аӡәгьы дышәҿагы́лам!»

Ажәытәӡатәи аеллин бызшәахьтә аиҭага : архимандрит Дараҭ (Дбар)

Аредактор : Тамила Аршба.

Аџьар а́ҳаракра аушьҭыгатә ҭраԥа́р, 1-тәи абжьы

Иеиқәырха, ҳ-Аҳ Ду, Ужәлар, /

Уагьақәныҳәа иуҭынхаз, /

ақәылаҩцәа риа́аира /

ҳаҳцәа иранашьо, /

Уџьарлагьы Ууаажәлар хьчо.

Аџьар а́ҳаракра ақада́қь, зхатә ҳәашьа змоу, 4-тәи абжьы

Гәаԥха́шақә Аџьар иха́галаз, Қьырса ҳ-Анцәа, /

Ухьӡ зыхҵоу иҿыцу Ууаажәлар /

Угәшаҭара ранашьа. /

Умчала иргәырӷьа Нцәа дхазҵо ҳаҳцәа, /

ирабашьуа ириааиртә ацхыраара рыҭ, /

Ужәҩахыргьы рыгмыз, /

аҭынчра абџьа́рҵас, уззы́миааиуа аҷа́нҳәаҭ ҳас иҟоу Уара.

Ажәытәӡатәи аеллин бызшәахьтә аиҭага : архимандрит Дараҭ (Дбар)

Аредактор : Тамила Аршба.

Ацқьа Никәала иҭраԥа́р (аушьҭыгатә), 4-тәи абжьы

Ақьырсианцәа рхаҵара́ ԥҟа́раси, /

ауаҩ қьы́ԥш иныхаҵаси, /

аҽынкылара рҵаҩҵаси /

иҟоу зегьы Зырҵабыргуа [Қьырса] /

иухьчо уаа удирбеит. /

Уи азоуп изурҳаз ҽҳарамкрала — аҳаракыра ду, /

аӷа́ррала — амал ду. /

Ҳ-Аб, аԥшьаҩыеиҳабы Никәала, /

Қьырса ҳ-Анцәа уҳазиҳәа /

ҳаԥсқәа реиқәырхаразы.

Ацқьа Никәала иқада́қь, 3-тәи абжьы Иаҳҳәоит Қьырса Иира ақада́қь «Аҭыԥҳа́ иахьа» иеиԥшны

Ми́ра [ақалақь] аҟны, Ацқьа, /

иҵабыргу Ныхаԥааҩс урызцәырҵит, /

избанзар Қьырса игәырӷьаҽҳәаша нагӡаны, Аԥшьа, /

ужәлар уԥсы рыҳҭнуҵеит, /

ха́ра здымызгьы аԥсра иацәугеит; /

уи азоуп Анцәа илԥха а́маӡа амаҵзуҩ́ ду ҵас узыԥшьаха́з.

Ажәытәӡатәи аеллин бызшәахьтә аиҭага : архимандрит Дараҭ (Дбар)

Аредактор : Тамила Аршба.

Нцәадзыхшаз аныҳәараҭахь Лнагара аушьҭыгатә ҭраԥа́р, 4-тәи абжьы

Иахьа Анцәа Ду ауаа дшырзыразхо ацәыргареи /

реиқәырхарагьы шыҟало рыларҵәареи иамшуп: /

Анцәа Иныҳәарҭа Аҭыԥҳа лабҿаба даҭаауеит, /

Қьырсагьы зегьы дрылалҳәоит. /

Ла лоуп ҳаргьы быжь-дула зықәҿаҳҭуа: /

Бгәырӷьала, Ҳазшаз ҳалахь ианиҵаз назыгӡаз!

Нцәадзыхшаз аныҳәараҭахь Лнагара ақада́қь, 4-тәи абжьы

Ҳаиқәырхаҩ иныхацқьас иҟалаз,/

хәызмам амҳареи Аҭыԥҳаи, /

Анцәа илԥха идшой аҭаҵәахырҭеи, /

иахьа днагахоит ҳ-Аҳ Ду иҩнахьы, /

иагьлыциҩналгоит алԥхагьы /

Инцәатәу Адысы иацу. /

Анцәа Имаалықьцәа ашәа лзырҳәоит; /

Ижәҩантәу қьаланы иҟоу Лара.  

Ажәытәӡатәи аеллин бызшәахьтә аиҭага : архимандрит Дараҭ (Дбар)

Аредактор : Тамила Аршба.

ҚЬЫРСА ИЖЬЫХСАРА. АЦ. УАСИЛ ДУ

1 января (14 января) [1] . Обрезание Господа нашего Иисуса Христа. Святитель Василий Великий, епископ Кесарии Каппадокийской († 379 г. [2] ). Литургический год.

Ажырныҳәамза 1 (Ажырныҳәамза 14, жәытәла) . Ҳ-Аҳ Ду Иаса Қьырса жьыла ихсара́ (иркьаҿ. Қьырса Ижьыхсара́, ма Исуна́ҭра). Ацқьа Уасил Ду, Каппадоки́атәи Кеса́риа аҧскәаба́зхада († 379 ш.). Ажырныҳәа.

Ац. Уасил Ду Илитурги́а.

Утреня: Евангелие от Иоанна, 36 стих (10:9–16) [4] .

Шьыжьныҳәара : Иуана иҟынтә Агәырӷьаҿҳәа́ша, 36-тәи ацыԥҵәа́ха (10:9–16) .

Литургия: Обрезание : Колоссянам, 254 стих (2:8–12) . Евангелие от Луки, 6 стих (2:20–21, 40–52) . Св. Василий Великий : Послание к Евреям, 318 стих (7:26 – 8:2) . Евангелие от Луки, 24 стих (6:17–23) .

Алитургьи́а : Ажьыхсара́ (Асуна́ҭра) иазку : Кәаласса́а рахь, 254-тәи ацыԥҵәа́ха (2:8–12). Лука́с иҟынтә Агәырӷьаҿҳәа́ша, 6-тәи ацыԥҵәа́ха (2:20–21, 40–52) . Ац. Уасил Ду изку : Ауриацәа рахь, 318-тәи ацыԥҵәа́ха (7:26 – 8:2) . Лука́с иҟынтә Агәырӷьаҿҳәа́ша , 24-тәи ацыԥҵәа́ха (6:17–23).

Отпуск : «В восьмой день обрезан Христос, Бог наш истинный, для спасения нашего…»

Аушьҭра : «Ҳиқәырхаразы аабатәи амш азы ажьыхсара́ здызкылаз Қьырса ҳ-Анцәацәҟьа…».

Шьыжьныҳәараан.

Иуана иҟынтә Агәырӷьаҿҳәа́ша (Аеванге́лион) цқьа аадхьяра:

Иҳәеит ҳ-Аҳ Ду изнеиз рахь: ⁹ Сара — сгәашәуп: Сыла иҭало деиқәхоит, дагьҭалоит, дагьҭыҵуеит, аҳәырҭагьы ибоит. ¹⁰ Аӷьыч дзаауа, аӷьычреи, ашьреи, ақәхреи мацаразоуп; Сара сзааз [суасақәа] абзазара рымазаарац, инамыцхәынгьы ирымазарац азоуп. ¹¹ Сара сыхьча бзиоуп. Ахьча бзиа иуасақәа иԥсы рыхҭниҵоит; ¹² Қьы́рала инкылоу — уи дыхьчаҩым, ауасақәагьы иара итәым, ақәыџьма шаауа бангьы иуасақәа ааныжьны дыҩуеит; ақәыџьмагьы ауасақәа мҵанарсуеит, егьеимнарпуеит. ¹³ Қьы́рала инкылоу аусуҩ дыҩуеит, избанзар қьы́рала иихьчо ауасақәа хьаас имаӡам. ¹⁴ Сара сыхьча бзиоуп, истәқәоу здыруеит, даргьы Сара сырдыруеит: ¹⁵ Аб сшидыруеидш, Саргьы Аб дыздыруеит, ауасақәагьы сыԥсы рыхҭнысҵоит. ¹⁶ Исымоуп ари суасагәар иатәым егьырҭ ауасақәагьы; урҭгы сыдсыԥхьалоит, Сыбжьгьы раҳап, иагьыҟалап гәарҭакны, ахьчагьы даӡәны [7] .

36-тәи ацыԥҵәа́ха (10:9–16)

36 стих (10:9–16)

Алитургиаҿы. Ажыхсара́ (Асуна́ҭра) иазку.

Ацқьа цҳаражәҳәаҩ Па́улос Кәаласса́а ирзишьҭыз ацҳамҭа аԥхьара:

Ацәа , ⁸ шәгәышәҽаныз, аӡәы шәхимхразы Қьырса иҟынтә акәымкәа, ауааи аԥсабареи рыҟнытә иаауа иҟам-иным ала; ⁹ Избанзар Иара ицәеижь иалалеит, уа иагьыҟоуп Анцәа Инцәара зегьы нхаарҭәааны, ¹⁰ шәаргьы Уи — Алагамҭақәеи Амчхарақәеи Ирхадоу иҿы еиҳабырас иҟоу зегь, Мчхарас иаԥу зегьы Ирхадоу — иҿы ишәыҭахоит ихарҭәаау/иԥкым, инаӡоу аԥсҭазаара. ¹¹ Иара ила напыла иҟаҵам ажьыхсара́ шәыдышәкыл, Қьырса иитәу ажьыхсара́ла шәцәеижь иалоу а́иакәым шәцәамаҭәеидԥш ишәшәы́ххаразы. ¹² Қьырса] анышә шәи́цамадахеит, аҳа шәагьи́цбзахеит Анцәа, [Қьырса] аԥсцәа рахьтә дзыргылаз имч агәра ахьыжәгаз азы.

254-тәи ацыԥҵәа́ха (2:8–12)

Алитургиаҿы. Ац. Уасил Ду изку.

Ацқьа цҳаражәҳәаҩ Па́улос Ауриацәа ирзишьҭыз ацҳамҭа аԥхьара:

Аишьцәа , ²⁶ иаҳҭахуҵәҟь Аԥшьаҩы́хада — ицқьоу, цәгьяреи ҟьашьреи злам, иакәы́м зуа ирылгоуи ажәҩангьы инахыҳәҳәаны иҟалази Иоуп. ²⁷ Уи изы иаҭахӡам, егьырҭ аԥшьаҩы́хадацәа ишыҟарҵо аидш, есы́ҽны аӡатәқәа рнагара: аԥхья дара рхаҭақәа иакәы́мкәа ируз азы, нас ажәлар иакәы́мкәа иҟарҵаз азы. Ари зегьы Иара [Қьырса] зныкала иҟаиҵеит Ихаҭа ӡатәс иҽаныҟаиҵа. ²⁸ Аԥҟара ԥшьаҩы́хадацәас иқәнаргылоит ауаа аԥсыҽрақәа шрымоугьы, аха Аԥҟара ашьҭахь қәра́ла иҳәаз Ажәа Ԥшьаҩы́хадас дықәнаргылеит ахаа́назы инаӡаны иҟалаз Аԥа. ¹ Иаҳҳәаз аҟынтә ихадоу — абас еиԥш иҟоу Аԥшьаҩы́хада дахьҳамоу ауп, Уи ажәҩан аҿы Иҳаракӡоу [Анцәа] Иҭро́н арыӷьарахьала итәаз, ² амаҵгьы зуа Ицқьаӡоу аҭыԥи ауаҩы иа́кәымкәа, ҳ-Аҳ Ду иргылаз иҵабыргу Ашьԥеи рыҟны.

318-тәи ацыԥҵәа́ха (7:26 – 8:2)

Алитургиаҽы. Ажыхсара́ (Асуна́ҭра) иазку.

Лука́с иҟынтә Агәырӷьаҿҳәа́ша (Аеванге́лион) цқьа аадхьара:

Усҟантәи аамҭазы ²⁰ ихынҳәит ахьшьцәа, ираҳази излаԥшызи рзы Анцәа хьӡи-ԥшеи иҭо, ибзырӡы ҳәо; зегьы [Амаалықь] ишреиҳәаз еиԥш иҟан. ²¹ Аамшы́ ниасны Асаби ижьыхсара́ аамҭа анааи, Иаса ихьӡырҵоит — [Иан] лцәа далашәаанӡа Амаалықь ишихьӡитәхьаз еиԥш. ⁴⁰ Асаби изҳа-зыӷьон, доуҳала дыӷәӷәахон, ҟәыӷарыла дыҭәуан, Анцәа илыԥхагьы иман. ⁴¹ Дзыхшаз есышықәса Мшаԥныҳәазы Иерусалимҟа ицон. ⁴² Жәаҩа шықәса анихыҵ, урҭ аныҳәазы ишаԥыз еиԥш, Иерусалим ихалт. ⁴³ Аныҳәамшқәа анхыркәшаха, дара хынҳәит, Аҷкәын Иаса Иерусалим дынхеит; Иасы́фи Иани уи рызгәамҭеит. ⁴⁴ Ирыцыз дрылоуп ҳәа ргәы иаанагон; мышныҟәарак инеихьаны ауп, рыуацәеи ирдыруази рыбжьара иазҵаара ианалага. ⁴⁵ Данырымба, и́ԥшааразы Иерусалимҟа ихынҳәит. ⁴⁶ Хымш рышьҭахь аныҳәарҭаҟны дрыԥшааит арҵаҩцәа дрылатәаны данырзыӡырҩуаз, данразҵаауаз аамҭазы. ⁴⁷ Изыӡырҩуаз зегьы ихәыцшьеи иҟаиҵоз аҭакқәеи рзымбатәбаран. ⁴⁸ Данырбагы иџьаршьеит, Ангьы лԥа лхы наиқәкны: Сыҷкәын, абас заҳзууи? Уабгьы Саргьы агәырҩа ҳагеит ҳашушьҭаз ҳәа иалҳәеит. ⁴⁹ Сзышәыԥшаауаз? – иҳәеит Иаргьы. Ишәзымдырӡоз Саб иҩнаҿы сыҟазарц шахәҭоу? ⁵⁰ Аха дара иреиҳәаз ажәақәа рзеилымкааит. ⁵¹ [Нас] Дрыцны [Иерусалимнтә] дылбааит, дагьяаит Назаре́ҭ, рҳәатәаҿгьы дыҟан. Иангьы арҭ ажәақәа зегьы лгәы иҭаҵәахны илыман. ⁵² Иаса иакәзар, қәралеи ҟәыӷаралеи изҳауан, имаз алԥхагьы гәа́хәара ду рнаҭон Анцәагьы ауаагьы.

6-тәи ацыԥҵәа́ха (2:20–21, 40–52)

Алитургиаҽы. Ац. Уасил Ду изку.

Лука́с иҟынтә Агәырӷьаҿҳәа́ша (Аеванге́лион) цқьа аԥхьара:

Усҟантәи аамҭазы ¹⁷ [Иаса иҵаҩцәа] дрыцылбааны адәкаршәраҿы днагылт. Абра [егьырҭ] иҵаҩцәа жәпаҩык, иара убас Иуде́а зегьы аҟынтәи, Иерусалимынтәи, Ти́ри Сидо́ни рыгаҿақәа рахьтә иаақәаз ҵҩа змамыз ажәлар ¹⁸ еизеит Иара разы, рчымазарақәа ихәышәтәразы, убас аԥсымыцқьақәа зханы игәаҟуазгы алиргаразы. Иара зегьы ихәышәтәуан. ¹⁹ Ажәлар зегьы Иахьикьысшаз иашьҭан, избанзар ихылҵуаз амч зегьы рзы ихәышәтәыган. ²⁰ Иаргьы иҵаҩцәа ихы нарықәкны ацәажәара дналагеит: Насыԥ шәымоуп ирыцҳахәу, избанзар шәара шәоуп Анцәа Иаҳра зтәу. ²¹ Насыԥ шәымоуп иахьа имлашьуа, избанзар [Анцәа ила] шәгәы ҭәраны шәыҟоуп. Насыԥ шәымоуп иахьа иҵәыуо, избанзар шәгәырӷьараны шәыҟоуп. ²² Насыԥ шәымоуп Ауаҩытәыҩса Иԥа имшала ауаа цәымӷс шәаныркуа, шәанрылырцо, шәцәа анышәхырхуа, шәыхьӡ цәгьаны ианрыладырҵәо. ²³ Шәгәырӷьала убри аҽны, шәагьыкәашала, избанзар ажәҩан аҟны аҳамҭа ду шәзыԥшуп. Абас акәын абарҭ ауаа рабацәагьы аԥаимбарцәа (адырҩцәа) ишрызныҟәоз.

24-тәи ацыԥҵәа́ха (6:17–23)

Ацқья Уасил Ду иҭрадада́р (аушьҭыгатә), 1-тәи абжьы

Адгьыл зегьы иахыҵәеит убжьы, /

уажәа аднакылеит азы: /

уи ала адо́гмақәа нцәақәнагала ишьақәурӷәӷәеит, /

иҟоу зегьы рыԥсабара деилуркааит, /

ауаа рҵасқәагьы урԥшӡеит. /

Иаҳратәу [Уасил] аԥшьаҩы, /иԥшьоу ҳаб,/

Қьырса Анцәа уҳазиҳәа /

ирыцҳашьара ду ҳанаишьартә.

Ацқь Уасил Ду иқада́қь, 4-тәи абжьы

Аныха /рқәаца́шьа змам уасхырс уазцәырҵит,/

ауаа зегьы набыцра зқәым амазара рызшо, /

уи [амазара] удо́гмақәа рыла амҳәыр аархо, /

ижәҩантәу аазыртуа / Уасил ԥшьа.

«Қьырса аҧсцәа рахьтә Игылара баны»

Қьырса аҧсцәа рахьтә Игылара баны, /

ҳиеихырхәап Ицқьоу ҳ-Аҳ Ду Иаса, /

иакәы́м зымуц Иараӡәк. /

Уџьар ҳаихырхәоит, Қьырса, /

аҧсцәа рахьтә Угы́ларацқьа/

ҳазышәаҳәоит иагьхьыӡраҳгоит, /

Уара ҳ-Анцәа уоуп азы, /

Уда даҽаӡәы дҳаздыруам, /

Ухььыӡ ауп иаҳҳәо. /

Шәааи, анцәахаҵара́ змоу зегьы, /

Қьырса аҧсцәа рахьтә Игыларацқьа /

ҳаихырхәап, /

аба́р, аԥсабара зегьы Џьарла /

агәырҕьара азааит азы. /

Есқьынгьы Қьырса абзиа изҳәауа, /

ҳазышәаҳәоит аҧсцәа рахьтә Игылара. /

Ҳара ҳзы Аџьар икыдырҵаз, /

ҧсрала аҧсра аҧызхыз.

Ажәытәӡатәи аеллин бызшәахьтә аиҭага: архимандрит Дараҭ (Дбар)

Аредактор : Тамила Аршба, Арда Ашәба.

«Қьырса аҧсцәа рахьтә Игылара баны»

Қь ырса аҧсцәа рахьтә Игылара баны, /

ҳиеихырхәап Ицқьоу ҳ-Аҳ Ду Иаса, /

иакәы́м зымуц Иараӡәк. /

Уџьяр ҳайхырхоит, Қьырса, /

аҧсцәа рахтә Угы́ларацқьа/

ҳазышәаҳәоит иагьхьыӡраҳгоит,…