Kaasburger

'n Kaasburger is ’n hamburger met kaas bo-op die vleisflappie.

Die benaming is ’n kofferwoord, asook ’n samestelling vanuit die woorde “kaas” en “hamburger”. Die kaas word gewoonlik gesny, waarna dit net voor die hamburger heeltemal gaar is, bygevoeg word, sodat dit kan smelt. Kaasburgers word dikwels met vulsels soos blaarslaai, tamatie, uie, agurkies, mosterd, mayonnaise of tamatiesous bedien. By kitskoseetplekke is die kaas wat kenmerkend gebruik word, verwerkte kaas, hoewel afwisseling kan voorkom, soos Cheddar, Mozzarella, Pepper Jack sowel as Switserse en bloukaassoorte. Die kaas binne-in die kaasburger kan aansienlik van voedingswaarde verskil: 'n Enkele snytjie Cheddar kan 95 kalorieë en 5 gram versadigde vette by 'n burger voeg. Ander soorte en hoeveelhede kaas sal verskille tot gevolg hê, afhangend van hul onderskeie voedingswaardes.

Kaasburger
'n Sappige kaasburger.
Kaasburger
'n Reusagtige kaasburger met aartappelskyfies.

Geskiedenis

Tydens die mid-1920s en 1930s het die kaasburger amptelik die lig gesien; gepaardgaande hiermee is daar etlike aansprake wat gemaak word oor wie nou eintlik die eerste kaasburger gemaak het. Daar word gereken dat Lionel Sternberger die kaasburger uitgevind het toe hy by sy pa se toebroodjiewinkel in Pasadena, Kalifornië, as braaikok gewerk en “proefondervindelik ’n reep Amerikaanse kaas op ’n sputterende hamburger gevoeg het”. ’n Ander eetplek, Kaelin’s Restaurant, in Louisville, Kentucky, voer aan dat hulle die kaasburger (as húl breinkind) in 1934 aan die publiek begin verkoop het. In 1935 is die handelsnaam (“cheeseburger”) egter aan ’n ander eienaar, Louis Ballast van die Humpty Dumpty Drive-In, in Denver, Colorado, toegeken.

Bedieningswisselvorme

Die bestanddele wat op die kaasburgers gebruik word, wissel op dieselfde wyse as wat die verskeidenheid soorte hamburgers van plek tot plek verskil.

Gewilde vulsels sluit spek, avokado of guacamole, gekerfde pangebraaide sampioene, kaassous en/of rissiesous in. Heinz 57-sous is veral gewild onder burgerliefhebbers. Aan die meer skamele kant word gebakte eier, roereier, salsa, pynappel, jalapeno’s, verskeidenheid rissies, ansjovis, stukkies ham of bologna, peperwortel, suurkool, gerookte of teriyaki-gekruide beesvleis, Tartaarse sous, uieringe of slaptjips gebruik.

’n Kaasburger kan meer as een hamburgervleisflappie hê. ’n Twee-stapel word ’n dubbelkaasburger genoem; ’n trippel/driedubbele kaasburger beskik oor drie vleisflappies en ’n ‘‘quadruple’’/viervoudige kaasburger beskik oor vier.

Verwysings

Eksterne skakels

Hierdie artikel is in sy geheel of gedeeltelik vanuit die Engelse Wiki vertaal.

Tags:

Kaasburger GeskiedenisKaasburger BedieningswisselvormeKaasburger VerwysingsKaasburger Eksterne skakelsKaasburgerCheddarkaasHamburgerKaasKofferwoordMayonnaiseMosterdMozzarellaTamatieTamatiesousUi

🔥 Trending searches on Wiki Afrikaans:

AkteurNierKrokodilHomoniemStressorMorfologie (taalkunde)KroonblaarLika BerningGeskiedenis (vakgebied)ArgitektuurCovid-19-pandemieKolonoskopieSamestellende afleidingOntwikkeling van die menslike liggaamNasionale lied van Suid-AfrikaWekkerHernubare energieLys van Islamitiese feeste en herdenkingsVerhoudingMIVOogproblemeSpringbokBoomHipertensieKlankverskynselsBlomSpelerposisies in rugbyBosveldvisvangerSenuweestelselGoogle TranslateKankerSoogdierRoosIslamVarkgriepBreedtegraadOptel en aftrekMIV/vigs in Suid-AfrikaGermaanse talePlastiekSomerBoontjieAfrikaBestaansboerderyLiefdeLetterkundeAngssteuringIngenieursweseRacheltjie de BeerVarkJeuksiekteLGrammofoonHoenderKoöperasiestoriesDierEenmansaakJacob RothschildVerenigde State van AmerikaPoësieTamatieWillie JoubertBeerHondMenseregteAktuarisByvoeglike naamwoordApartheidBloukraanvoëlIndustriële RevolusieKangaroeGooglePaarlKorrupsieAmfibieëMoesonKlierVerkoue🡆 More